శ్రీ హనుమాన్ నవరత్నపద్యమాలా

ధృతశుభగుణజాలం యాతుతంత్వార్తిమూలమ్ |
పతినతినుతిలోలం నౌమి వాతేశబాలమ్ || ౧ ||
శిశుతనుకృతచిత్రం రామకారుణ్యపాత్రమ్ |
భవజలధివహిత్రం స్తౌమి వాయోః సుపుత్రమ్ || ౨ ||
గతనిశిచరశంకం క్షాలితాత్మీయపంకమ్ |
రిపుహృదయలటంకం నౌమి రామధ్వజాంకమ్ || ౩ ||
హతశశిరిపుసూతం తార్క్ష్యవేగాతిపాతమ్ |
నయనపథగసీతం భావయే వాతజాతమ్ || ౪ ||
కృతవిపినవిరామం సర్వరక్షోఽతిభీమమ్ |
మతరిపుబలసీమం చింతయే తం నికామమ్ || ౫ ||
ద్రుతగతపరతీరః కీర్తితాశేషసారః |
నతరఘుకులవీరః పాతు వాయోః కుమారః || ౬ ||
కథితచరితశేషః ప్రోక్తసీతోక్తభాషః |
కృతనిజపరిపోషః పాతు కీనాశవేషః || ౭ ||
రవిజనపరిమోక్షో లక్ష్మణోద్ధారదక్షః |
విరమితరణదీక్షః పాతు మాం పింగళాక్షః || ౮ ||
శమితభరతశోకో దృష్టరామాభిషేకః |
పవనసుకృతపాకః పాతు మాం వాయుతోకః || ౯ ||
భక్త్యా శ్రీహనుమదురఃస్థలే నిబద్ధామ్ |
సోఽభీష్టం హరివరతో లభేత శీఘ్రమ్ || ౧౦ ||
ఇతి శ్రీ హనుమాన్ నవరత్నపద్యమాలా ||