శ్రీ సుపర్ణ స్తోత్రం (మహాభారతే)

దేవా ఊచుః |
త్వమృషిస్త్వం మహాభాగస్త్వం దేవః పతగేశ్వరః |
త్వం ప్రభుస్తపనః సూర్యః పరమేష్ఠీ ప్రజాపతిః || ౧ ||
త్వమింద్రస్త్వం హయముఖస్త్వం శర్వస్త్వం జగత్పతిః |
త్వం ముఖం పద్మజో విప్రస్త్వమగ్నిః పవనస్తథా || ౨ ||
త్వం హి ధాతా విధాతా చ త్వం విష్ణుః సురసత్తమః |
త్వం మహానభిభూః శశ్వదమృతం త్వం మహద్యశః |
త్వం ప్రభాస్త్వమభిప్రేతం త్వం నస్త్రాణమనుత్తమమ్ || ౩ ||
సమృద్ధిమాన్ దుర్విషహస్త్వమేవ |
హ్యనాగతం చోపగతం చ సర్వమ్ || ౪ ||
గభస్తిభిర్భానురివావభాససే |
-స్త్వమంతకః సర్వమిదం ధ్రువాధ్రువమ్ || ౫ ||
ప్రజాస్తథా దహసి హుతాశనప్రభ |
వినాశయన్ యుగపరివర్తనాంతకృత్ || ౬ ||
మహౌజసం జ్వలనసమానవర్చసమ్ |
మహాబలం గరుడముప్యేత ఖేచరమ్ || ౭ ||
తవౌజసా సర్వమిదం ప్రతాపితమ్ |
త్వం పాహి సర్వాంశ్చ సురాన్ మహాత్మనః || ౮ ||
విమానితా విపథగతిం ప్రయాంతి తే |
మహాత్మనః ఖగవర కశ్యపస్య హ || ౯ ||
త్వమీశ్వరః ప్రశమముపైహి పాహి నః |
దిశోఽంబరం త్రిదివమియం చ మేదినీ || ౧౦ ||
నిగృహ్యతాం వపురిదమగ్నిసన్నిభమ్ |
నిశమ్య నశ్చలతి మనోఽవ్యవస్థితమ్ |
శివశ్చ నో భవ భగవన్ సుఖావహః || ౧౧ ||
ఏవం స్తుతః సుపర్ణస్తు దేవైః సర్షిగణైస్తదా |
తేజసః ప్రతిసంహారమాత్మనః స చకార హ || ౧౨ ||
ఇతి శ్రీమన్మహాభారతే ఆదిపర్వణి త్రయోవింశోఽధ్యాయే దేవకృత శ్రీ సుపర్ణ స్తోత్రమ్ ||