శ్రీ షిర్డీ సాయిబాబా పూజా విధానం

ధ్యానం –
ద్వంద్వాతీతం గగనసదృశం తత్త్వమస్యాది లక్ష్యమ్ |
సాయినాథం త్రిగుణరహితం సద్గురుం తం నమామి ||
ఓం శ్రీసాయినాథాయ నమః ధ్యానం సమర్పయామి ||
ఆగచ్ఛ సద్గురు దేవ స్థానే చాత్ర స్థిరో భవ |
యావత్ పూజాం కరిష్యామి తావత్త్వం సన్నిధౌ భవ ||
ఓం శ్రీసాయినాథాయ నమః ఆవాహయామి ||
అమూల్యరత్నసారం చ నిర్మితం విశ్వకర్మణా |
ఆసనం చ ప్రసన్నం చ సాయినాథ ప్రగృహ్యతామ్ ||
ఓం శ్రీసాయినాథాయ నమః ఆసనం సమర్పయామి ||
సాయినాథ నమస్తేఽస్తు సంసారార్ణవతారక |
పాద్యం గృహాణ దేవేశ మమ సౌఖ్యం వివర్ధయ ||
ఓం శ్రీ సాయినాథాయ నమః పాదయోః పాద్యం సమర్పయామి ||
పుష్పచందన దూర్వాది సంయుతం జాహ్నవీజలమ్ |
శంఖగర్భస్థితం శుద్ధం గృహ్యతాం సాయిసద్గురుమ్ ||
ఓం శ్రీ సాయినాథాయ నమః హస్తయోరర్ఘ్యం సమర్పయామి ||
పుణ్యతీర్థోదకం చైవ విశుద్ధం శుద్ధిదం సదా |
గృహ్యతాం సాయినాథం చ రమ్యమాచమనీయకమ్ ||
ఓం శ్రీసాయినాథాయ నమః ముఖే ఆచమనీయం సమర్పయామి ||
స్నానం పంచామృతైర్దేవ గృహాణ సుఖదాయక |
అనాథనాథ సర్వజ్ఞ గీర్వాణ ప్రణవప్రియ ||
ఓం శ్రీసాయినాథాయ నమః పంచామృతస్నానం సమర్పయామి ||
గంగాది సర్వతీర్థేభ్యః ఆహృతైరమలైర్జలైః |
స్నానం కురుష్వ సద్గురుం సాయినాథం నమోఽస్తు తే |
ఓం శ్రీసాయినాథాయ నమః శుద్ధోదకస్నానం సమర్పయామి ||
శ్వేతాంబరధరం దేవం స్వర్ణతంతు సమన్వితమ్ |
హరిద్వర్ణ శిరస్త్రం చ సాయినాథ ప్రగృహ్యతామ్ ||
ఓం శ్రీసాయినాథాయ నమః వస్త్రయుగ్మం సమర్పయామి |
రాంకవం పాటలం వర్ణం మృదువస్త్రం సునిర్మలమ్ |
సౌవర్ణలక్షణం చైవ సాయినాథ ప్రగృహ్యతామ్ ||
ఓం శ్రీసాయినాథాయ నమః మృదువస్త్రం సమర్పయామి |
కస్తూరీ కుంకుమైర్యుక్తం ఘనసారేణ మిశ్రితమ్ |
మలయాచల సంభూతం చందనం ప్రతిగృహ్యతామ్ ||
ఓం శ్రీసాయినాథాయ నమః దివ్యశ్రీ చందనం సమర్పయామి |
అక్షతాన్ ధవళాన్ దివ్యాన్ శాలీయాంస్తండులాన్ శుభాన్ |
గృహాణ పరమానంద సాయినాథ నమోఽస్తు తే ||
ఓం శ్రీసాయినాథాయ నమః అక్షతాన్ సమర్పయామి |
తురీయవనసంభూతం నానాగుణమనోహరమ్ |
ఆనంద సౌరభం పుష్పం గృహ్యతాం సాయిసద్గురుమ్ ||
ఓం శ్రీ సాయినాథాయ నమః పుష్పాణి సమర్పయామి |
ఓం శిరిడీనివాసాయ నమః – పాదౌ పూజయామి |
ఓం భక్తావనప్రతిజ్ఞాయ నమః – గుల్ఫౌ పూజయామి |
ఓం సర్వాపన్నివారకాయ నమః – జంఘే పూజయామి |
ఓం సర్వశుభప్రదాయ నమః – జానునీ పూజయామి |
ఓం సర్వభూతహితేరతాయ నమః – ఊరూ పూజయామి |
ఓం ఆపద్బాంధవాయ నమః – కటిం పూజయామి |
ఓం సర్వమతసారభూతాయ నమః – ఉదరం పూజయామి |
ఓం భక్తిప్రబోధకాయ నమః – వక్షస్థలం పూజయామి |
ఓం మహాద్భుతప్రదర్శకాయ నమః – బాహూన్ పూజయామి |
ఓం దీపప్రియాయ నమః – కంఠం పూజయామి |
ఓం పుణ్యశ్రవణకీర్తనాయ నమః – కర్ణౌ పూజయామి |
ఓం సత్యతత్త్వభోధకాయ నమః – వక్త్రం పూజయామి |
ఓం నిరాడంబరాయ నమః – దంతాన్ పూజయామి |
ఓం సర్వాభీష్టప్రదాయ నమః – నాసికాం పూజయామి |
ఓం సర్వమంగళకరాయ నమః – నేత్రౌ పూజయామి |
ఓం త్రికాలజ్ఞాయ నమః – శిరః పూజయామి |
ఓం శ్రీసాయినాథాయ నమః – సర్వాణ్యాంగాని పూజయామి |
శ్రీ సాయి అష్టోత్తర శతనామావళిః చూ. ||
దశాంగం గుగ్గులోపేతం సుగంధం సుమనోహరమ్ |
సాయినాథ నమస్తుభ్యం గృహాణ వరదో భవ ||
ఓం శ్రీసాయినాథాయ నమః ధూపమాఘ్రాపయామి ||
సాజ్యం త్రివర్తిసంయుక్తం వహ్నినా ద్యోతితం మయా |
గృహాణ మంగళం దీపం సాయినాథ నమోఽస్తు తే ||
ఓం శ్రీసాయినాథాయ నమః దీపం దర్శయామి ||
సర్వభక్షైశ్చ భోజ్యైశ్చ రసైః షడ్భిః సమన్వితమ్ |
నైవేద్యం తు మయా దత్తం గృహాణ తత్త్వబోధక ||
ఓం శ్రీసాయినాథాయ నమః నైవేద్యం సమర్పయామి |
పూగీఫలైః సకర్పూరైర్నాగవల్లీ దళైర్యుతమ్ |
ముక్తాచూర్ణ సమాయుక్తం తాంబూలం ప్రతిగృహ్యతామ్ ||
ఓం శ్రీసాయినాథాయ నమః తాంబూలం సమర్పయామి ||
ఘృతవర్తి సహస్రైశ్చ కర్పూరశకలైః స్థితమ్ |
నీరాజనం మయా దత్తం గృహాణ వరదో భవ ||
ఓం శ్రీ సాయిసమర్థాయ నమః కర్పూరనీరాజనం సమర్పయామి ||
హరిః ఓం | యజ్ఞేన యజ్ఞమయజంత దేవా-
-స్తాని ధర్మాణి ప్రథమాన్యాసన్ |
యత్ర పూర్వే సాధ్యా సంతి దేవాః || ౧ ||
నమో వయం వైశ్రవణాయ కుర్మహే |
కామేశ్వరో వైశ్రవణో దధాతు |
కుబేరాయ వైశ్రవణాయ మహారాజాయ నమః || ౨ ||
ఓం స్వస్తి | సామ్రాజ్యం భోజ్యం స్వారాజ్యం వైరాజ్యం పారమేష్ఠ్యం రాజ్యం మహారాజ్యమాధిపత్యమయం
పృథివ్యై సముద్రపర్యంతాయాః ఏకరాళితి || ౩ ||
తదప్యేష శ్లోకోఽభిగీతో మరుతః పరివేష్టారో మరుత్తస్యావసన్ గృహే |
ఆవిక్షితస్య కామప్రేర్విశ్వేదేవాః సభాసద ఇతి || ౪ ||
శ్రీనారాయణ వాసుదేవాయ సచ్చిదానంద సద్గురు సాయినాథ్ మహరాజ్ కీ జై ||
ఓం శ్రీసాయినాథాయ నమః పాదారవిందయోః సువర్ణ దివ్య మంత్రపుష్పం సమర్పయామి |
తాని తాని ప్రణశ్యంతి ప్రదక్షిణ పదే పదే |
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా సాయి శరణాగతవత్సల |
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష శ్రీసాయినాథ ప్రభో |
ఓం శ్రీసాయినాథాయ నమః ఆత్మప్రదక్షిణ నమస్కారాన్ సమర్పయామి |
ఉరసా శిరసా దృష్ట్యా మనసా వచసా తథా |
పద్భ్యాం కరాభ్యాం కర్ణాభ్యాం ప్రణామోష్టాంగముచ్యతే ||
ఓం శ్రీసాయినాథాయ నమః సాష్టాంగ నమస్కారాం సమర్పయామి |
న్యాయ్యేన మార్గేణ మహీం మహీశాః |
లోకాః సమస్తా సుఖినో భవంతు ||
దేశోఽయం క్షోభరహితో బ్రాహ్మణాః సంతు నిర్భయః |
నిర్ధనాః సధనాః సంతు జీవంతు శరదాం శతమ్ ||
అపరాధ సహస్రాణి క్రియంతేఽహర్నిశం మయా |
దాసోఽయమితి మాం మత్వా క్షమస్వ పరమేశ్వర |
మంత్రహీనం క్రియాహీనం భక్తిహీనం కృపానిధే |
యత్పూజితం మయా సాయి పరిపూర్ణం తదస్తు తే |
అనయా మయా కృత ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ సాయినాథ సద్గురుః సుప్రీతో సుప్రసన్నో వరదో భవతు ||
అకాలమృత్యహరణం సర్వవ్యాధినివారణం ||
సమస్తపాపక్షయకరం శ్రీ సాయినాథ పాదోదకం పావనం శుభమ్ ||
శ్రీ సాయినాథాయ నమః ప్రసాదం శీరసా గృహ్ణామి |
ఓం శాంతిః శాంతిః శాంతిః ||