శ్రీ శివ స్తోత్రమ్ (శ్రీకృష్ణ కృతమ్)

స్వాత్మన్యధాత్మాన మసౌవిచింత్య |
బ్రహ్మాధిపం త్వాం మునయో వదంతి || ౧ ||
త్వామేవ సర్వం ప్రవదంతి సంతః |
స్త్వమేవ సత్యం ప్రవదంతి వేదాః || ౨ ||
స్సంహర్తా దినకర మండలాధివాసః |
స్త్వామేకం శరణముపైమి దేవమీశమ్ || ౩ ||
యోగస్త్వాం సతతముపాసతే హృదిస్థమ్ |
త్వామేకం శరణముపైమి దేవమీశమ్ || ౪ ||
దత్వాసౌ భవతి విముక్త విశ్వబంధః |
స్మృత్వా తే పదయుగళం భవత్ప్రసాదాత్ || ౫ ||
తత్త్వం జ్యోతిరనంతమేకమమరం సత్యం పరం సర్వగమ్ |
నిత్యం త్వామనుయామి సత్యవిభవం విశ్వేశ్వరం తం శివమ్ || ౬ ||
ఓం నమో నీలకంఠాయ త్రినేత్రాయ చ రంహసే |
మహాదేవాయ తే నిత్యమీశానాయ నమో నమః || ౭ ||
నమః పినాకినే తుభ్యం నమో దండాయ ముండినే |
నమస్తే వజ్రహస్తాయ దిగ్వస్త్రాయ కపర్దినే || ౮ ||
నమో భైరవనాథాయ హరాయ చ నిషంగిణే |
నాగయజ్ఞోపవీతాయ నమస్తే వహ్ని తేజసే || ౯ ||
నమోఽస్తు తే గిరీశాయ స్వాహాకారాయ తే నమః |
నమో ముక్తాట్టహాసాయ భీమాయ చ నమో నమః || ౧౦ ||
నమస్తే కామనాశాయ నమః కాలప్రమాథినే |
నమో భైరవరూపాయ కాలరూపాయ దంష్ట్రిణే || ౧౧ ||
నమోఽస్తు తే త్ర్యంబకాయ నమస్తే కృత్తివాసనే |
నమోఽంబికాధిపతయే పశూనాం పతయే నమః || ౧౨ ||
నమస్తే వ్యోమరూపాయ వ్యోమాధిపతయే నమః |
నరనారీశరీరాయ సాంఖ్య యోగప్రవర్తినే || ౧౩ ||
నమో దైవతనాథాయ నమో దైవతలింగినే |
కుమారగురవే తుభ్యం దేవదేవాయ తే నమః || ౧౪ ||
నమో యజ్ఞాధిపతయే నమస్తే బ్రహ్మచారిణే |
మృగవ్యాధాఽధిపతయే బ్రహ్మాధిపతయే నమః || ౧౫ ||
నమో భవాయ విశ్వాయ మోహనాయ నమో నమః |
యోగినే యోగగమ్యాయ యోగమాయాయ తే నమః || ౧౬ ||
నమో నమో నమస్తుభ్యం భూయో భూయో నమో నమః |
మహ్యం సర్వాత్మనా కామాన్ ప్రయచ్ఛ పరమేశ్వర || ౧౭ ||
ఏవం హి భక్త్యా దేవేశమభిష్టూయ చ మాధవః |
పపాత పాదయోర్విప్రా దేవదేవస్య దండవత్ || ౧౮ ||
ఉత్థాప్య భగవాన్ సోమః కృష్ణం కేశినిషూదనమ్ |
బభాషే మధురం వాక్యం మేఘగంభీరనిస్స్వనమ్ || ౧౯ ||
ఇతి శ్రీకూర్మపురాణే శ్రీకృష్ణకృత శివస్తోత్రమ్ |