శ్రీ శాకంభరీ పంచకం

శ్రీకంఠార్ధశరీరగా శ్రుతిలసన్మాణిక్యతాటంకకా |
శ్రీవాణీ గిరిజాత్మికా భగవతీ శాకంభరీ పాతు మామ్ || ౧ ||
శాకైః పాలితవిష్టపా శతదృశా శాకోల్లసద్విగ్రహా |
శంకర్యష్టఫలప్రదా భగవతీ శాకంభరీ పాతు మామ్ || ౨ ||
కల్యాణీ కమలాలయా కరకృతాంభోజాసిఖేటాభయా |
కస్తూరీతిలకాంచితా భగవతీ శాకంభరీ పాతు మామ్ || ౩ ||
భస్మాలంకృతిభాసురా భువనభీకృద్దుర్గదర్పాపహా |
భౌమానందవిహారిణీ భగవతీ శాకంభరీ పాతు మామ్ || ౪ ||
రాకారాజకరావదాతహసితా రాకేందుబింబస్థితా |
రక్షః శిక్షణదీక్షితా భగవతీ శాకంభరీ పాతు మామ్ || ౫ ||
సర్వాపత్తివినాశకం ప్రతిదినం భక్త్యా త్రిసంధ్యం నరః |
శాకంభర్యనుకంపయా స లభతే విద్యాం చ విశ్వార్థకామ్ || ౬ ||
ఇతి శ్రీమచ్ఛంకరాచార్యవిరచితం శాకంభరీ పంచకమ్ ||