శ్రీ శబరిగిరీశాష్టకం

యతివరకల్పితయంత్రకృతాసనయక్షవరార్పితపుష్పతనో |
జయ జయ హే శబరీగిరిమందిరసుందర పాలయ మామనిశమ్ || ౧ ||
మధురిపుమన్మథమారకమానిత దీక్షితమానసమాన్యతనో |
జయ జయ హే శబరీగిరిమందిరసుందర పాలయ మామనిశమ్ || ౨ ||
కలివరదోత్తమ కోమలకుంతల కంజసుమావలికాంతతనో |
జయ జయ హే శబరీగిరిమందిరసుందర పాలయ మామనిశమ్ || ౩ ||
సురయువతీకృతవందన నర్తననందితమానసమంజుతనో |
జయ జయ హే శబరీగిరిమందిరసుందర పాలయ మామనిశమ్ || ౪ ||
కలిజనపాలన సంకటవారణ పాపజనావనలబ్ధతనో |
జయ జయ హే శబరీగిరిమందిరసుందర పాలయ మామనిశమ్ || ౫ ||
బహుజనమానసకామసుపూరణ నామజపోత్తమ మంత్రతనో |
జయ జయ హే శబరీగిరిమందిరసుందర పాలయ మామనిశమ్ || ౬ ||
తరునికరాలయ దీనకృపాలయ తాపసమానస దీప్తతనో |
జయ జయ హే శబరీగిరిమందిరసుందర పాలయ మామనిశమ్ || ౭ ||
మునిజనసంస్తుత ముక్తివిధాయక శంకరపాలిత శాంతమతే |
జయ జయ హే శబరీగిరిమందిరసుందర పాలయ మామనిశమ్ || ౮ ||
శివశబరీగిరిమందిరసంస్థితతోషదమిష్టదమార్తిహరమ్ |
జయ జయ హే శబరీగిరిమందిరసుందర పాలయ మామనిశమ్ || ౯ ||
ఇతి శ్రీరామసుదీక్షితసత్కవి కృతం శ్రీ శబరీగిరీశాష్టకమ్ |