శ్రీ విష్ణు ద్వాదశనామ పంజర స్తోత్రం

పురస్తాత్ కేశవః పాతు చక్రీ జాంబూనదప్రభః |
పశ్చాన్నారాయణః శంఖీ నీలజీమూతసన్నిభః || ౧ ||
ఇందీవరదలశ్యామో మాధవోర్ధ్వం గదాధరః |
గోవిందో దక్షిణే పార్శ్వే ధన్వీ చంద్రప్రభో మహాన్ || ౨ ||
ఉత్తరే హలభృద్విష్ణుః పద్మకింజల్కసన్నిభః |
ఆగ్నేయ్యామరవిందాభో ముసలీ మధుసూదనః || ౩ ||
త్రివిక్రమః ఖడ్గపాణిర్నిరృత్యాం జ్వలనప్రభః |
వాయవ్యాం వామనో వజ్రీ తరుణాదిత్యదీప్తిమాన్ || ౪ ||
ఐశాన్యాం పుండరీకాభః శ్రీధరః పట్టసాయుధః |
విద్యుత్ప్రభో హృషీకేశో హ్యవాచ్యాం దిశి ముద్గరీ || ౫ ||
హృత్పద్మే పద్మనాభో మే సహస్రార్కసమప్రభః |
సర్వాయుధః సర్వశక్తిః సర్వజ్ఞః సర్వతోముఖః || ౬ ||
ఇంద్రగోపకసంకాశః పాశహస్తోఽపరాజితః |
స బాహ్యాభ్యంతరం దేహం వ్యాప్య దామోదరః స్థితః || ౭ ||
ఏవం సర్వత్రమచ్ఛిద్రం నామద్వాదశపంజరమ్ |
ప్రవిష్టోఽహం న మే కించిద్భయమస్తి కదాచన || ౮ ||
భయం నాస్తి కదాచన ఓం నమ ఇతి ||
ఇతి శ్రీ విష్ణు ద్వాదశనామ పంజర స్తోత్రమ్ ||