శ్రీ వరదరాజ స్తోత్రం

శ్రీమద్వరదరాజేంద్రః శ్రీవత్సాంకః శుభప్రదః |
తుండీరమండలోల్లాసీ తాపత్రయనివారకః || ౧ ||
సత్యవ్రతక్షేత్రవాసీ సత్యః సజ్జనపోషకః |
సర్గస్థిత్యుపసంహారకారీ సుగుణవారిధిః || ౨ ||
హరిర్హస్తిగిరీశానో హృతప్రణవదుష్కృతః |
తత్త్వరూపస్త్వష్ట్రుకృత కాంచీపురవరాశ్రితః || ౩ ||
బ్రహ్మారబ్ధాశ్వమేధాఖ్యమహామఖసుపూజితః |
వేదవేద్యో వేగవతీవేగభీతాత్మభూస్తతః || ౪ ||
విశ్వసేతుర్వేగవతీసేతుర్విశ్వాధికోఽనఘః |
యథోక్తకారినామాఢ్యో యజ్ఞభృద్యజ్ఞరక్షకః || ౫ ||
బ్రహ్మకుండోత్పన్నదివ్యపుణ్యకోటివిమానగః |
వాణీపత్యర్పితహయవపాసురఖిలాధరః || ౬ ||
వరదాభయహస్తాబ్జో వనమాలావిరాజితః |
శంఖచక్రలసత్పాణిః శరణాగతరక్షకః || ౭ ||
ఇమం స్తవం తు పాపఘ్నం పురుషార్థప్రదాయకమ్ |
పఠతాం శృణ్వతాం భక్త్యా సర్వసిద్ధిర్భవేద్ధ్రువమ్ || ౮ ||
ఇతి శ్రీనారదపురాణే శ్రీ వరదరాజ స్తోత్రమ్ |