శ్రీ రాఘవేంద్ర హృద్రోగహరణ స్తోత్రం

శ్రీరామే గుణధామని వినిహిత చిత్తప్రభో దయాపూర్ణ |
గురురాడుదారభావ త్వం హర హృద్రోగమతితూర్ణమ్ || ౧ ||
రాజీవాక్షీకాంక్షాపూరణ సంతాపసంతతాభ్యస్తమ్ |
చేతో మే గురురాజ త్వం హర హృద్రోగమతితూర్ణమ్ || ౨ ||
ఘోరాశాభిధభూతావిష్టం భృశమస్థిరం సదా భ్రమతి |
చేతో మే గురురాజ త్వం హర హృద్రోగమతితూర్ణమ్ || ౩ ||
వేదపురాణసుమార్గానుజ్ఝిత్వా దుష్టనీచమార్గచరమ్ |
చేతో మే గురురాజ త్వం హర హృద్రోగమతితూర్ణమ్ || ౪ ||
ద్రాగిష్టార్థదమీశమలబ్ధ్వాన్యానుపాస్య బహుఖిన్నమ్ |
చేతో మే గురురాజ త్వం హర హృద్రోగమతితూర్ణమ్ || ౫ ||
యత్నాత్ కాపురుషాదిక సేవావిధినాపి నాప కామ్యార్థమ్ |
చేతో మే గురురాజ త్వం హర హృద్రోగమతితూర్ణమ్ || ౬ ||
నర్తేత్వద్భువి కంచన జానీతేఽన్యం కలౌ సురద్రుసమమ్ |
చేతో మే గురురాజ త్వం హర హృద్రోగమతితూర్ణమ్ || ౭ ||
మహిమానం తవ భూయః శ్రుత్వా త్వత్పాదపంకజం ప్రాప్తమ్ |
చేతో మే గురురాజ త్వం హర హృద్రోగమతితూర్ణమ్ || ౮ ||
కృష్ణావధూత రచితం పథ్యోపేతం మనోరోగహరమ్ |
స్తోత్రం మే పఠతాం త్వం సంహర హృద్రోగమతితూర్ణమ్ || ౯ ||
ఇతి శ్రీకృష్ణావధూత పండిత కృతౌ శ్రీరాఘవేంద్రతంత్రే నవమపటలే హృద్రోగహరణస్తోత్రం నామ షష్ఠోఽధ్యాయః ||