శ్రీ రాఘవేంద్ర సహస్రనామ స్తోత్రం

అథ శ్రీరాఘవేంద్రార్య నామ్నాం సాహస్రముత్తమమ్ |
ప్రవక్ష్యామ్యవధూతోఽహం సద్యః ప్రీతికరం గురోః || ౧ ||
అకారాది క్షకారాంతవర్ణానుక్రమయోగతః |
క్వచిద్రూఢ్యా చ యోగేన క్వచిల్లక్షణయా క్వచిత్ || ౨ ||
అంతర్యామీ హరిప్రాణాధిష్ఠానాతిశయత్వతః |
ప్రహ్లాదావతరత్వాచ్చ ఘటతేఽత్ర న సంశయః || ౩ ||
ద్విరావృత్తైర్మంత్రపదైరంగం ఛందోఽప్యనుష్టుభః |
శ్రీం నమో రాఘవేంద్రాయ బీజం శక్తిశ్చ కీలకమ్ || ౪ ||
ధ్యానమ్-
వామే చాసౌ వామహస్తం దధానః || ౫ ||
-రంతా చిత్తే రాఘవేంద్రో మమ స్యాత్ || ౬ ||
ఓం | అథాతో బ్రహ్మజిజ్ఞాసేత్యాది సూత్రార్థయోజనామ్ |
యస్తంత్రదీపికాం చక్రే తం నౌమ్యజ్ఞానభంజనమ్ || ౭ ||
అణిమాద్యష్టసిద్ధీతమనణుజ్ఞానసంపదమ్ |
అమోఘశక్తిమనఘమపరోక్షీకృతాచ్యుతమ్ || ౮ ||
అఖిలాభీష్టదం చాత్మవిదమాయుఃప్రవర్ధనమ్ |
ఆనందతీర్థసచ్ఛాస్త్రటీకాభావప్రకాశకమ్ || ౯ ||
ఆనందసాంద్రమారబ్ధకార్యాంతగమనక్షమమ్ |
ఆకులీకృతదుర్వాదివృందమాకారబంధురమ్ || ౧౦ ||
ఆశుప్రసన్నమాసన్నభక్తకామసురద్రుమమ్ |
ఆధ్యాత్మరతమాచార్యమాసముద్రైకసద్గురుమ్ || ౧౧ ||
ఆత్మారామార్చనాసక్తమార్యమాప్తతమం మమ |
ఇంద్రియోత్పన్నదోషఘ్నమింద్రవత్త్యాగభోగినమ్ || ౧౨ ||
ప్రమాణమిష్టదాతారమీషణాత్రయవర్జితమ్ |
ఉగ్రరక్షఃపిశాచఘ్నమున్మాదహరముత్తమమ్ || ౧౩ ||
ఉదారచిత్తముద్ధారకముత్పాతహారకమ్ |
ఉపేక్షితకువాదీంద్రముపకారపరాయణమ్ || ౧౪ ||
ఊరుదఘ్నీకృతాపారభవసాగరమూర్జితమ్ |
ఊష్మహర్తారమృక్షాధిపతిశీతలదర్శనమ్ || ౧౫ ||
ఋభుస్వభావమృద్ధోరుమాహాత్మ్యమృజుమానసమ్ | [ఋజు, మృదు]
ఏడమూకసువాగ్దాత్రే నమస్తే చైకభాషిణే || ౧౬ ||
ఏకాంతభక్తాయైశ్వర్యదాత్రే చైక్యమతచ్ఛిదే |
ఓతత్వేత్యాద్యనువ్యాఖ్యాసుధాభావార్థదర్శినే || ౧౭ ||
ఓంకారజపశీలాయ సదోమాత్మేత్యుపాసినే |
ఔషధోక్త్యాపి భక్తానామామయాధికహారిణే || ౧౮ ||
అంసాత్తతులసీమాలమంహోనాశకదర్శనమ్ |
అస్తంగతారిషడ్వర్గమర్థిమందారకం భజే || ౧౯ ||
కలిదోషవినాశాయ కలౌ సద్యః ఫలప్రదః |
కమలాపతిభక్తాయ కుంఠకుంఠత్వభంజినే || ౨౦ ||
కరాళనరసింహోగ్రక్రోధశామకమూర్తయే |
కపోలశంఖచక్రాంకశాలిన్ కపటవర్జిత || ౨౧ ||
[* అధికపాఠః – కల్పభూరుహరూపాయ కలభౌధాభకీర్తయే | *]
నమః కమండలుం ధర్త్రే కరే దండధరాయ తే |
కామేషూణామలక్ష్యశ్చ కామినీకామనోజ్ఝితః || ౨౨ ||
కామారిశ్లాఘ్యసద్వృత్తః కామదః కామరూపధృక్ |
కానీనభావవేత్తా చ కాలజ్ఞః కాలసాధకః || ౨౩ ||
కాపాలికమతధ్వంసీ కాశికాకాశమానవాక్ |
కాంతారభీతిహా కాంతికాంతః కాపథవర్జితః || ౨౪ ||
కాషాయాంబరధారీ చ కాశ్మీరద్రవచర్చితః |
కిరాతభీతిసంహర్తా కిలాసిత్వవినాశకః || ౨౫ ||
కీనాశభయహా కీటభయహా కీర్తిమండితః |
కుకూలాభః పిశాచానాం కుష్ఠరోగనివారణః || ౨౬ ||
కుశాసనస్థితః కుక్షిపూరకశ్చ కుతూహలీ |
కుత్సితాచారరహితః కుమారసుఖవర్ధనః || ౨౭ ||
కుశలశ్చ కులీనశ్చ కుశాసనవివర్జితః |
కుంభఘోణకృతావాసః కుతోఽపి భయభంజనః || ౨౮ ||
కూపపాతకపాపఘ్నః కూర్మాసనపరిగ్రహః |
కూష్మాండాది ప్రతిభయః కీర్తిదః కీర్తనప్రియః || ౨౯ ||
కేశవారాధకః కేతుదోషఘ్నః కేవలేష్టదః |
కేతకీకుసుమాసక్తః కేసరద్రవలోలుపః || ౩౦ ||
కైవల్యదాతా కైంకర్యతుష్టశ్రీశశ్చ కోశదః |
కాలానుసారదాతా చ కోశీ కోశాతకీప్రియః || ౩౧ ||
కోలాహలవిరోధీ చ కౌపీనపటలాంఛనః |
కంబుధ్వనిప్రియః కంబుగ్రీవః కంపవివర్జితః || ౩౨ ||
కృపీటయోనివర్చస్కః కృతభక్తార్తినాశనః |
కృత్యాసనః కృతజ్ఞశ్చ కృత్యాచేష్టకభంజనః || ౩౩ ||
కృపామహోదధిః కృష్ణధ్యానాసక్తః కృశప్రియః |
కస్తూరీతిలకాసక్తః కృత్తసంసారసాధ్వసః || ౩౪ ||
త్వమేవ శరణం భూయా నాన్యః కశ్చన విద్యతే || ౩౫ ||
ఖగేశవాహభక్తేన ఖరపాతకహారిణా |
ఖదోషహర్త్రా ఖపురప్రియేణ ఖలమారిణా || ౩౬ ||
ఖాద్యప్రియేణ మే భూయాత్ ఖలప్వా భవతా గతిః |
ఖిలహీనః ఖేదహంతా ఖిన్నచిత్తప్రమోదదః || ౩౭ ||
ఖేదహా ఖురణోఘ్నశ్చ ఖంజదుఃఖనివారణః |
ఖోడత్వనాశకో భూయాదస్మదిష్టార్థసిద్ధయే || ౩౮ ||
గరఘ్నాద్గణనమ్యాంఘ్రేర్గరుత్మద్వాహసేవకాత్ |
గురోరన్యత్ర మే చిత్తం న గచ్ఛతు గుణార్ణవాత్ || ౩౯ ||
గలాత్తతులసీమాలో గర్భదో గర్భదుఃఖహా |
గర్తహారీ గజగతిర్గతదోషో గతిప్రదః || ౪౦ ||
గదాధరో గదహరో గర్వహా గరిమాలయః |
గభస్తిమాన్ గహ్వరస్థో గతభీర్గలితాహితః || ౪౧ ||
గతాఘో గర్జితారాతిర్గదయిత్నుర్గవాం ప్రియః |
గ్రస్తారిర్గ్రహదోషఘ్నో గ్రహోచ్చాటనతత్పరః || ౪౨ ||
గీష్పత్యాభశ్చ గాయత్రీజాపకో గాయనప్రియః |
గ్రామణీః గ్రాహకో గ్రాహీ గ్రావగ్రీవమతచ్ఛిదః || ౪౩ ||
గ్రామక్షేమకరో గ్రామ్యభయహా గ్రాహభీతిహా |
గాత్రక్షేమకరో గామీ గిరిసారనిభాంగకః || ౪౪ ||
గతభావిజనిర్గమ్యో గీర్వాణావాసమూలభూః |
గుణీ గుణప్రియో గుణ్యో గుహావాసో గురుప్రియః || ౪౫ ||
గుడప్రియో గుచ్ఛకంఠో గుల్మచ్ఛేత్తా గుణాదరః |
గుప్తగుహ్యో గూఢకర్మా గురురాజశ్చ గూహితః || ౪౬ ||
గేహదాతా గేయకీర్తిర్గైరికారంజితాంబరః |
గృహ్యక్షేమకరో గృహ్యో గృహగో గృహవర్ధనః || ౪౭ ||
గోదావరీస్నానరతో గోపబాలకపూజకః |
గోష్పదీకృతసంసారవార్ధిర్గోపురరక్షకః || ౪౮ ||
గోప్యమంత్రజపో గోమాన్ గోకర్ణీ గోచరాఖిలః |
గోగ్రాసదో గోత్రరత్నం గోస్తనీనిభభాషణః || ౪౯ ||
గోప్తా గౌతమశాస్త్రజ్ఞో గౌరవీ గౌరవప్రదః |
గంతా గంజితశత్రుశ్చ గంధర్వో గంధవర్ధనః || ౫౦ ||
గంధీ గంధవతీసూనుగ్రంథవిద్గంధవాహవిత్ |
గంధర్వాభో గ్రంథిభేదీ గ్రంథకృద్గ్రంథపాఠకః || ౫౧ ||
గండశైలప్రియో గండమాలభిద్గండకీరతిః |
గంగాస్నాయీ చ గాంగేయప్రదో గాండీవిమిత్రవిత్ || ౫౨ ||
ఘటనాననురూపస్యాప్యర్థస్య ఘటకో ఘనః |
ఘర్మహర్తా ఘనప్రీతిర్ఘనాఘననిభాంగభాః || ౫౩ ||
ఘనసారద్రవాసిక్తకాయో ఘర్ఘరికాంకనః |
ఘ్రాణతర్పణచార్వంగో ఘృణావాన్ ఘృసృణప్రియః || ౫౪ ||
ఘృతప్రియో ఘాతితారిర్ఘోషయిత్నుశ్చ ఘోషదః |
ఘోంటాఫలాస్థిద్వయసజపమాలాకరాంబుజః || ౫౫ ||
ఘోరామయపరీహర్తా ఘంటాపథగతిప్రియః |
ఘంటానాదప్రియశ్చాథ ఙణద్వాద్యవినోదనః || ౫౬ ||
చక్రశంఖాంకితభుజశ్చమూమదవిభంజనః |
చరాచరక్షేమకర్తా చతురశ్చరణారుణః || ౫౭ ||
చతుష్పదీస్తుత్యమానశ్చతుర్ముఖపితృప్రియః |
చతుస్సాగరవిఖ్యాతః చర్మాసనసమాధిమాన్ || ౫౮ ||
చత్వరస్థః చకోరాక్షః చంచలత్వనివారకః |
చతుర్వేదవిశేషజ్ఞః చలాచలహృదప్రియః || ౫౯ ||
చతురంగబలధ్వంసీ చతురోపాయశిక్షితః |
చారురూపః చారసేవ్యః చామరద్వయశోభితః || ౬౦ ||
చిత్తప్రసాదజననః చిత్రభానుప్రభోజ్జ్వలః |
చిరజీవీ చిత్తహరః చిత్రభాషీ చితిప్రదః || ౬౧ ||
చిత్రగుప్తభయత్రాతా చిరంటీజనసేవితః |
చింతామణిః స్వభక్తానాం చింతితార్థప్రదాయకః || ౬౨ ||
చింతాహర్తా చిత్తవాసీ చీరకౌపీనధారిణః |
చిపిటత్యాగకృచ్చుల్లస్వక్షిదశ్చుల్లవర్ధనః || ౬౩ ||
చూడామణిర్వైష్ణవానాం చూర్ణీకృతమహాభయః |
చూడాలా యశసా చూతఫలాస్వాదవినోదనః || ౬౪ ||
చూడాకర్మాది కర్తౄణాం సన్నిధౌ సర్వదోషహా |
చేష్టకః చేష్టకధ్వంసీ చైత్రోత్సవముదంభరః || ౬౫ ||
చోద్యహర్తా చౌరనాశీ చితిమాంశ్చిత్తరంజనః |
చింత్యః చేతనదాతా మే చింతాం హరతు సంతతమ్ || ౬౬ ||
చంద్రహాసః చంద్రకాంతః చంద్రః చండీశపూజకః |
చక్షుఃప్రీతికరః చంద్రచందనద్రవసేవనః || ౬౭ ||
ఛద్మహీనః ఛత్రభోగీ ఛలహా ఛదలోచనః |
ఛన్నజ్ఞానః ఛన్నకర్మా ఛవిమాన్ ఛాత్రసేవితః || ౬౮ ||
ఛాత్రప్రియశ్ఛాత్రరక్షీ ఛాగయాగాదిశాస్త్రవిత్ |
ఛత్రచామరదాతా ఛత్రచామరశోభితః || ౬౯ ||
ఛిద్రహారీ ఛిన్నరోగశ్ఛందఃశాస్త్రవిశారదః |
ఛేదకో భవదుఃఖానాం భవతాత్ ఛిన్నసాధ్వసః || ౭౦ ||
జరాహర్తా జగత్పూజ్యో జయంతీవ్రతతత్పరః |
జయదో జయకర్తా చ జగత్క్షేమకరో జయీ || ౭౧ ||
జరాహీనో జనైఃసేవ్యో జనానందకరో జవీ |
జనప్రియో జఘన్యఘ్నో జపాసక్తో జగద్గురుః || ౭౨ ||
జరాయుబంధసంహర్తా జలగుల్మనివారణః |
జాడ్యహా జానకీశార్చీ జాహ్నవీజలపావనః || ౭౩ ||
జాతమాత్రశిశుక్షేమీ జ్యాయాన్ జాల్మత్వవర్జితః |
జిష్ణుర్జినమతధ్వంసీ జిగీషుర్జిహ్మవర్జితః || ౭౪ ||
జగదుద్ధృతయే జాతో జితక్రోధో జితేంద్రియః |
జితారివర్గో జితదుర్వాదీ జితమనోభవః || ౭౫ ||
జీవాతుర్జీవికా జీవదాతా జీమూతవత్ స్థిరః |
జీవితేశభయత్రాతా జీర్ణజ్వరవినాశనః || ౭౬ ||
జుష్టశ్రీనాథపాదాబ్జో జూర్తిబాధావినాశనః |
జేతా జ్యేష్ఠో జ్యేష్ఠవృత్తిర్జైవాత్రకసమః సతామ్ || ౭౭ ||
జ్యోత్స్నానిభయశా జంభహంతా జంబూఫలప్రియః |
ఝల్లరీవాదనప్రీతిర్ఝషకేతోరుపేక్షకః || ౭౮ ||
ఝలాప్రియో ఝూణిహంతా ఝంఝావాతభయాపహా |
జ్ఞానవాన్ జ్ఞానదాతా చ జ్ఞానానందప్రకాశవాన్ |
టట్టరీరహితష్టీకాతాత్పర్యార్థప్రబోధకః || ౭౯ ||
టంకారకరచారిత్రష్టంకాభో దురితాత్మనః |
టక్ప్రత్యయవిచారజ్ఞష్టీకృతాన్యబుధోక్తికః || ౮౦ ||
డమరుధ్వనికృన్మిత్రం డాకినీభయభంజనః |
డింభసౌఖ్యప్రదో డోలావిహారోత్సవలోలుపః || ౮౧ ||
ఢక్కావాద్యప్రియో ఢౌకమానో ణత్వార్థకోవిదః |
తపస్వీ తప్తముద్రాంకస్తప్తముద్రాంకనప్రదః || ౮౨ ||
తపోధనాశ్రయస్తప్తతాపహర్తా తపోధనః |
తమోహర్తా త్వరితదస్తరుణస్తర్కపండితః || ౮౩ ||
త్రాసహర్తా తామసహా తాతస్తాపససేవితః |
తారకస్త్రాణదస్త్రాతా తప్తకాంచనసన్నిభః || ౮౪ ||
త్రివర్గఫలదః తీవ్రఫలదాతా త్రిదోషహా |
తిరస్కృతపరస్త్యాగీ త్రిలోకీమాన్యసత్తమః || ౮౫ ||
తీక్ష్ణరూపః పిశాచానాం తీర్ణసంసారసాగరః |
తురుష్కసేవితస్తుల్యహీనస్తురగవాహనః || ౮౬ ||
తూలాయితీకృతాఘౌఘస్తుష్టిదః తుంగవిగ్రహః |
తేజస్వీ తైలవిద్వేషీ తోకానాం సుఖవర్ధనః || ౮౭ ||
తంద్రీహరస్తండులదస్తంజాపురకృతాదరః |
స్థలదః స్థాపకః స్థాతా స్థిరః స్థూలకలేవరః || ౮౮ ||
స్థేయాన్ స్థైర్యప్రదః స్థేమా స్థౌరీ చ స్థండిలేశయః |
దశావాన్ దక్షిణో దత్తదృష్టిర్దాక్షిణ్యపూరితః || ౮౯ ||
దక్షో దయాలుర్దమవాన్ ద్రవచ్చిత్తో దధిప్రియః |
ద్రవ్యదో దర్శనాదేవ ప్రీతో దలితపాతకః || ౯౦ ||
దత్తాభీష్టో దస్యుహంతా దాంతో దారుణదుఃఖహా |
ద్వాసప్తతి సహస్రాణాం నాడీనాం రూపభేదవిత్ || ౯౧ ||
దారిద్ర్యనాశకో దాతా దాసో దాసప్రమోదకృత్ |
దివౌకఃసదృశో దిష్టవర్ధనో దివ్యవిగ్రహః || ౯౨ ||
దీర్ఘాయుః దీర్ణదురితో దీనానాథగతిప్రదః |
దీర్ఘాయుష్యప్రదో దీర్ఘవర్జితో దీప్తమూర్తిమాన్ || ౯౩ ||
దుర్ధరో దుర్లభో దుష్టహంతా దుష్కీర్తిభంజనః |
దుఃస్వప్నదోషహా దుఃఖధ్వంసీ ద్రుమసమాశ్రయః || ౯౪ ||
దూష్యత్యాగీ దూరదర్శీ దూతానాం సుఖవర్ధనః |
దృష్టాంతహీనో దృష్టార్థో దృఢాంగో దృప్తదర్పహృత్ || ౯౫ ||
దృఢప్రజ్ఞో దృఢభక్తిర్దుర్విధానాం ధనప్రదః |
దేవస్వభావో దేహీతి యాచనాశబ్దమూలభిత్ || ౯౬ ||
దూనప్రసాదకృత్ దుఃఖవినాశీ దుర్నయోజ్ఝితః |
దైత్యారిపూజకో దైవశాలీ దైన్యవివర్జితః || ౯౭ ||
దోషాద్రికులిశో దోష్మాన్ దోగ్ధా దౌర్భిక్ష్యదోషహా |
దండధారీ దంభహీనో దందశూకశయప్రియః || ౯౮ ||
ధనదో ధనికారాధ్యో ధన్యో ధర్మవివర్ధనః |
ధారకో ధాన్యదో ధాతా ధిషణావాన్ ధినోతు మామ్ || ౯౯ ||
ధీరో ధీమాన్ ధీప్రదాతా ధూతారిష్టో ధ్రువాశ్రయః |
ధృతభక్తాభయో ధృష్టో ధృతిమాన్ ధూతదూషణః || ౧౦౦ ||
ధూర్తభంగకరో ధేనురూపో ధైర్యప్రవర్ధనః |
ధూపప్రియో ధోరణీభృత్ ధూమకేతుభయాపహః || ౧౦౧ ||
ధౌతవస్త్రపరీధానో ధావాయత్వహితం మమ |
నమస్తే నళినాక్షాయ నవగ్రహభయచ్ఛిదే || ౧౦౨ ||
నవధాభక్తిభేదజ్ఞో నరేంద్రో నరసేవితః |
నామస్మరణసంతుష్టో నారాయణపదాశ్రయః || ౧౦౩ ||
నాడీస్థైర్యప్రదో నానాజాతిజంతుజనార్చితః |
నారీదూరో నాయకశ్చ నాగాద్యైశ్వర్యదాయకః || ౧౦౪ ||
నిర్వాణదో నిర్మలాత్మా నిష్కాసితపిశాచకః |
నిఃశ్రేయసకరో నిందావర్జితో నిగమార్థవిత్ || ౧౦౫ ||
నిరాకృతకువాదీంద్రో నిర్జరాప్తో నిరామయః |
నియామకో నియతిదో నిగ్రహానుగ్రహక్షమః || ౧౦౬ ||
నిష్కృష్టవాక్యో నిర్ముక్తబంధనో నిత్యసౌఖ్యభుక్ |
నిదానం సంపదాం నిష్టానిష్ణాతో నిర్వృతిప్రదః || ౧౦౭ ||
నిర్మమో నిరహంకారో నిత్యనీరాజనప్రియః |
నిజప్రదక్షిణేనైవ సర్వయాత్రాఫలప్రదః || ౧౦౮ ||
నీతిమాన్ నుతపాదాబ్జో న్యూనపూర్ణత్వవర్జితః |
నిద్రాత్యాగీ నిస్పృహశ్చ నిద్రాదోషనివారణః || ౧౦౯ ||
నూతనాంశుకధారీ చ నృపపూజితపాదుకః |
నృణాం సుఖప్రదో నేతా నేత్రానందకరాకృతిః || ౧౧౦ ||
నియమీ నైగమాద్యైశ్చ భక్తిభావేన సేవితః |
నేదిష్ఠో భజతాం భక్త్యా నౌకా భక్తభవాంబుధేః || ౧౧౧ ||
నందాత్మజప్రియో నాథో నందనో నందనద్రుమః |
ప్రసన్నః పరితాపఘ్నః ప్రసిద్ధః పరతాపహృత్ || ౧౧౨ ||
ప్రథమః ప్రతిపన్నార్థః ప్రసాధితమహాతపాః |
పరాక్రమజితారాతిః ప్రతిమానవివర్జితః || ౧౧౩ ||
ప్రవరః ప్రక్రమజ్ఞశ్చ పరవాదిజయప్రదః |
ప్రముఖః ప్రబలః ప్రజ్ఞాశాలీ ప్రత్యూహనాశకః || ౧౧౪ ||
ప్రపంచసుఖదాతా చ ప్రకృతిస్థః ప్రవృత్తికృత్ |
ప్రభూతసంపత్ పత్రోర్ణధారీ ప్రణవతత్పరః || ౧౧౫ ||
ప్రచండః ప్రదరధ్వంసీ ప్రతిగ్రహవివర్జితః |
ప్రత్యక్షఫలదాతా చ ప్రసాదాభిముఖః పరః || ౧౧౬ ||
పాఠకః పావనః పాతా ప్రాణదాతా ప్రసాదకృత్ |
ప్రాప్తసిద్ధిః పారిజాతదర్పహా పాకసాధనః || ౧౧౭ ||
పాటీరపాదుకః పార్శ్వవర్తీ పారాయణప్రియః |
పిణ్యాకీకృతదుర్వాదీ పితా పీడావినాశకః || ౧౧౮ ||
ప్రీతిమాన్ పీతవసనః పీయూషం పీవరాంగకః |
ప్రియంవదః పీడితాఘః పులకీ పుష్టివర్ధనః || ౧౧౯ ||
పుత్రవత్పాల్యభక్తౌఘః పుణ్యకీర్తిః పురస్కృతః |
పుష్టప్రియః పుండ్రధారీ పురస్థః పుణ్యవర్ధనః || ౧౨౦ ||
పూర్ణకామః పూర్వభాషీ పృథుః పృథుకవర్ధనః |
పృష్టప్రశ్నపరీహర్తా పృథివీక్షేమకారకః || ౧౨౧ ||
పేశలః ప్రేతభీతిఘ్నః పేయపాదోదకప్రభుః |
ప్రేంఖద్వాణీవిలాసశ్చ ప్రేరకః ప్రేమవర్ధనః || ౧౨౨ ||
పైశున్యరహితః ప్రోతసుఖదః పోషకాగ్రణీః |
ప్రోతధర్మా పౌరుషదః పూరకః పంక్తిపావనః || ౧౨౩ ||
పండితః పంకహా పంపావాసీ పంగుత్వవారకః |
ఫలోదయకరః ఫాలదురక్షరమదాపహృత్ || ౧౨౪ ||
ఫుల్లనేత్రోఽథ ఫలితతపస్యః ఫర్ఫరీకవాక్ |
ఫూత్కారోచ్చాటితానేకతాపత్రయపిశాచకః || ౧౨౫ ||
ఫాంటానేకేతరాసాధ్యకార్యో రక్షతు మాం సదా |
బలవాన్ బహుదాతా చ బదరీఫలలోలుపః || ౧౨౬ ||
బాలప్రియో బ్రాహ్మణాగ్ర్యో బాధాహంతా చ బాహుదః |
బుద్ధిదాతా బుధో బుద్ధమతఘాతీ బుధప్రియః || ౧౨౭ ||
వృందావనస్థతోయేన సర్వతీర్థఫలప్రదః |
వైరాగ్యోల్లాసకర్తా చ వృందావనసమాశ్రయః || ౧౨౮ ||
బిల్వపత్రార్చనప్రీతో బంధురోక్తిశ్చ బంధహా |
బంధుర్బధిరతాహర్తా బంధువిద్వేషవారణః || ౧౨౯ ||
వంధ్యాపుత్రప్రదత్వాద్యైః యథాయోగేన సృష్టికృత్ |
బహుప్రజాపాలకశ్చ వేతాలాదిలయప్రదః || ౧౩౦ ||
భక్తానాం జయసిద్ధ్యర్థం వాద్యజ్ఞానప్రదః స్వయమ్ |
భగవద్భక్తవిద్వేష్టుః సద్యః ప్రత్యక్షబంధకృత్ || ౧౩౧ ||
భక్తిదో భవ్యదాతా చ భగందరనివారణః |
భవసౌఖ్యప్రదః భర్మపీఠో భస్మీకృతాశుభః || ౧౩౨ ||
భవభీతిహరో భగ్నదారిద్ర్యో భజనప్రియః |
భావజ్ఞో భాస్కరప్రఖ్యో భామత్యాగీ చ భాగ్యదః || ౧౩౩ ||
భావ్యర్థసూచకో భార్యాసక్తానామపి సౌఖ్యదః |
భక్తభారధరో భక్తాధారో భోగప్రియః సదా || ౧౩౪ ||
భిక్షుర్భీమపదాసక్తో భుక్తిముక్తిఫలప్రదః |
భూతప్రేతపిశాచాది భయపీడానివారణః || ౧౩౫ ||
భూమా భూతిప్రదో భూరిదాతా భూపతివందితః |
భ్రూణకర్తా భృత్యభర్తా భక్తవశ్యశ్చ భేషజమ్ || ౧౩౬ ||
భైరవో భవరోగస్య భోక్తా భోజనదాయకః |
భౌరికో భౌతికారిష్టహర్తా భౌమజదోషహా || ౧౩౭ ||
భంగప్రదోఽరిమోదస్య భ్రాంతిహీనోఽవతాత్ స మామ్ |
మల్లికాకుసుమాసక్తో మథితాన్యమతో మహాన్ || ౧౩౮ ||
మసృణత్వఙ్ మరుత్ప్రఖ్యో మహాంధనయనప్రదః |
మహోదయో మన్యుహీనో మహావీరపదార్చకః || ౧౩౯ ||
మలీమసమలధ్వంసీ ముకురః శాస్త్రసంవిదామ్ |
మహిషీక్షేత్రగో మధ్వమతదుగ్ధాబ్ధిచంద్రమా || ౧౪౦ ||
మనఃప్రమోదజననో మత్తానాం మదభంజనః |
మహాయశా మహాత్యాగీ మహాభోగీ మహామనాః || ౧౪౧ ||
మారికాభయహర్తా చ మాత్సర్యరహితాంతరః |
మాయాహర్తా మానదాతా మాతా మార్గప్రదర్శకః || ౧౪౨ ||
మార్గణేష్టప్రదాతా చ మాలతీకుసుమప్రియః |
ముఖ్యో ముఖ్యగురుర్ముఖ్యపాలకో మితభాషణః || ౧౪౩ ||
మీలతారిర్ముమూర్షుశ్చ మూకానాం దివ్యవాక్ప్రదః |
మూర్ధాభిషిక్తో మూఢత్వహారీ మూర్ఛనరోగహా || ౧౪౪ ||
మృషావచనహీనశ్చ మృత్యుహర్తా మృదుక్రమః |
మృదంగవాదనరుచిర్మృగ్యో మృష్టాన్నదాయకః || ౧౪౫ ||
మృత్తికాసేవనేనైవ సర్వరోగనివారణః |
మేధావీ మేహరోగఘ్నో మేధ్యరూపశ్చ మేదురః || ౧౪౬ ||
మేఘగంభీరనినదో మైథిలీవల్లభార్చకః |
మోదకృన్మోదకాసక్తో మోహహా మోక్షదాయకః || ౧౪౭ ||
మౌనవ్రతప్రియో మౌనీ మంత్రాలయకృతాలయః |
మాంగళ్యబీజమహిమామండితో మంగళప్రదః || ౧౪౮ ||
యష్టిధారీ యమాసక్తో యాచకామరభూరుహః |
యాతయామపరిత్యాగీ యాప్యత్యాగీ యతీశ్వరః || ౧౪౯ ||
యుక్తిమాన్ యక్షభీతిఘ్నో యోగీ యంతా చ యంత్రవిత్ |
యౌక్తికో యోగ్యఫలదో యోషిత్సంగవివర్జితః || ౧౫౦ ||
యోగీంద్రతీర్థవంద్యాంఘ్రిర్యానాద్యైశ్వర్యభోగవాన్ |
రసికాగ్రేసరో రమ్యో రాష్ట్రక్షేమవిధాయకః || ౧౫౧ ||
రాజాధిరాజో రక్షోఘ్నో రాగద్వేషవివర్జితః |
రాజరాజాయితో రాఘవేంద్రతీర్థో జయత్యలమ్ || ౧౫౨ ||
రిక్తప్రియో రీతిమాంశ్చ రుక్మదో రూక్షవర్జితః |
రేవాస్నాయీ రైక్వఖండవ్యాఖ్యాతా రోమహర్షణః || ౧౫౩ ||
రోగహా రౌరవాఘఘ్నో రంతా రక్షణతత్పరః |
లక్ష్మణో లాభదో లిప్తగంధో లీలాయతిత్వధృత్ || ౧౫౪ ||
లుప్తారిగర్వో లూనాఘమూలో లేఖర్షభాయితః |
లోకప్రియో లౌల్యహీనో లంకారాతిపదార్చకః || ౧౫౫ ||
వ్యతీపాతాది దోషఘ్నో వ్యవహారజయప్రదః |
వాచంయమో వర్ధమానో వివేకీ విత్తదో విభుః || ౧౫౬ ||
వ్యంగస్వంగప్రదో వ్యాఘ్రభయహా వజ్రభీతిహృత్ |
వక్తా వదాన్యో వినయీ వమిహా వ్యాధిహారకః || ౧౫౭ ||
వినీతో విదితాశేషో విపత్తిపరిహారకః |
విశారదో వ్యసనహా విప్రలాపవివర్జితః || ౧౫౮ ||
విషఘ్నో విస్మయకరో వినుతాంఘ్రిర్వికల్పహృత్ |
వినేతా విక్రమశ్లాఘ్యో విలాసీ విమలాశయః || ౧౫౯ ||
వితండావర్జితో వ్యాప్తో వ్రీహిదో వీతకల్మషః |
వ్యష్టిదో వృష్టిదో వృత్తిదాతా వేదాంతపారగః || ౧౬౦ ||
వైద్యో వైభవదాతా చ వైతాలికవరస్తుతః |
వైకుంఠభజనాసక్తో వోఢా వంశాభివృద్ధికృత్ || ౧౬౧ ||
వంచనారహితో వంధ్యావత్సదో వరదాగ్రణీః |
శరణం శమసంపన్నః శర్కరామధుభాషణః || ౧౬౨ ||
శరీరక్షేమకారీ చ శక్తిమాన్ శశిసుందరః |
శాపానుగ్రహశక్తశ్చ శాస్తా శాస్త్రవిశారదః || ౧౬౩ ||
శాంతః శిరఃశూలహర్తా శివః శిఖరిణీప్రియః |
శివదః శిశిరః శ్లాఘ్యః శ్రద్ధాలుః శ్రీప్రదాయకః || ౧౬౪ ||
శీఘ్రప్రసాదః శీతఘ్నః శుద్ధికృత్ శుభవర్ధనః |
శ్రుతవాన్ శూన్యహా శూరః శ్రేష్ఠః శుశ్రూషుసౌఖ్యదః || ౧౬౫ ||
శ్వేతవస్త్రప్రియః శైలవాసీ శైవప్రభంజనః |
శోఫహర్తా శోభనాంగః శౌర్యౌదార్యగుణాన్వితః || ౧౬౬ ||
శ్లేష్మహర్తా శంకరశ్చ శృంఖలాబంధమోచకః |
శృంగారప్రీతిజనకః శంకాహారీ చ శంసితః || ౧౬౭ ||
షంఢపుంస్త్వప్రదః షోఢా షడ్వైరిరహితః సదా |
భూయాత్ షోడశమాంగళ్యప్రదాతా షట్ప్రయోగవిత్ || ౧౬౮ ||
సత్యసంధః సమాధిస్థః సరళః సత్తమః సుఖీ |
సమర్థః సజ్జనః సాధుః సాధీయాన్ సంప్రదాయదః || ౧౬౯ ||
సాత్త్వికః సాహసీ స్వామీ సార్వభౌమత్వసారవిత్ |
సర్వావగుణహీనశ్చ సదాచారానుమోదకః || ౧౭౦ ||
సర్వభూతదయాశాలీ సత్యధర్మరతః సమః |
స్వనామకీర్తనాద్వేదశాస్త్రార్థజ్ఞానసిద్ధిదః || ౧౭౧ ||
[* అధికపాఠః – స్వనమస్కారమాత్రేణ సర్వకామ్యార్థసిద్ధిదః |]
స్వభక్తానాం దురాచారసహనః సుస్మితాననః |
సర్వతంత్రస్వతంత్రశ్చ సుధీంద్రకరకంజజః || ౧౭౨ ||
సిద్ధిదః సిద్ధసంకల్పః సిద్ధార్థః సిద్ధిసాధనః |
స్వప్నవక్తా స్వాదువృత్తిః స్వస్తిదాతా సభాజయీ || ౧౭౩ ||
సీమావాన్ సురభిః సూనుదాతా సూనృతభాషణః |
సుగ్రీవః సుమనాః స్నిగ్ధః సూచకః సేవకేష్టదః || ౧౭౪ ||
సేతుః స్వైరచరః సౌమ్యసౌమ్యః సౌభాగ్యదాయకః |
సోమభాః సమ్మతః సంధికర్తా సంసారసౌఖ్యదః || ౧౭౫ ||
సంఖ్యావాన్ సంగరహితః సంగ్రహీ సంతతిప్రదః |
స్మృతిమాత్రేణ సంతుష్టః సర్వవిద్యావిశారదః || ౧౭౬ ||
సుకలః సుకుమారాంగః సింహసంహననస్తథా |
హరిసేవాపరో హారమండితో హఠవర్జితః || ౧౭౭ ||
హితో హుతాగ్నిర్హేతుశ్చ హేమదో హైమపీఠగః |
హృదయాలుర్హర్షమాణో హోతా హంసశ్చ హేయహా || ౧౭౮ ||
లలితో లబ్ధనిర్వాణో లక్ష్మీలావణ్యలక్షితః |
క్షమాశీలః క్షామహరః క్షితిస్థః క్షీణపాతకః || ౧౭౯ ||
క్షుద్రబాధాపహర్తా చ క్షేత్రజ్ఞః క్షేమదః క్షమః |
క్షోదహంతా క్షౌద్రదృష్టిః క్షంతా భక్తకృతాగసామ్ || ౧౮౦ ||
ఇతి శ్రీరాఘవేంద్రార్య గురురాజస్య యోగినః |
చతుర్వింశతి సంయుక్తం నామ్నాం సాహస్రమీరితమ్ || ౧౮౧ ||
ఇతి శ్రీకృష్ణావధూత విరచితం శ్రీ రాఘవేంద్ర సహస్రనామ స్తోత్రమ్ ||