శ్రీ రాఘవేంద్ర వైభవ స్తోత్రం

బృందావనార్చక సుబృందావిహారిరత బృందారకాంశయుత భో |
బృందాభ బోధ సుఖ మందార వృక్షనిభ వందామహే తవ పదమ్ || ౧ ||
భీక్షూత్తమాశు తవ లక్ష్యాయ మానమభివీక్షాద్య పాలయ గురో |
సుక్షేమమాయురపరోక్షామలస్వ మమ దత్వాశు పాలయ గురో || ౨ ||
వ్యాఘ్రాహి దుష్టనృప దుర్జాత వృశ్చిక ముఖానిష్టనాశ చతుర |
ఇష్టార్థదోసి పరశిష్టౌఘపాలన సమర్థోసికీర్త్యమహిమన్ || ౩ ||
అంభోజ జాప్తపద సంభావనాప్తవర జంభారిసత్పద గురో |
అంబాపితాసి మమ బింబో భవాన్ ఖలు సుడింబోస్మి తే సురవర || ౪ ||
తీర్థాదనిష్టహర తీర్థాప్తమోక్షసుఖ తీర్థస్వరూప మహిత |
తీర్థామరాళివర తీర్థాంఘ్రి భక్తియుత భో పాహి మాం గురువర || ౫ ||
కంజాప్త దీప్తితను కంజారివద్వదన కంజాంఘ్రిద్వంద్వ శుభద |
కుంజాలయస్థవర సంజీవనాద్రిధర కంజోపమాంఘ్రి భజక || ౬ ||
నక్షత్రలోల పర నక్షత్రధారి సఖ నక్షత్రదాన నిపుణ |
నక్షత్రనందకర నక్షత్రసాల మమ నక్షత్ర మాశు దిశ భో || ౭ ||
మాతంగ పోతవర మాతంగ వంశవర మాతంగ శౌర్యనిరహా |
మాతంగ సంఘయుత మాతంగవాహన సదానంద పాలయ గురో || ౮ ||
మంత్రార్థబోధక సుమంత్రైకసిద్ధ శుభ మంత్రాధిదేవ కరుణీ |
మంత్రజ్ఞపాలయ సుమంత్రాలయస్థ యతి రాజాధిరాజ కృపయా || ౯ ||
సింధూరసంఘగత సింధూరసారమయ సింధూరపావనతర |
సింధూరపాలసఖ సింధూరహారి మమ సందేహి సౌఖ్యమతులమ్ || ౧౦ ||
పాదాంబుసేవన సదాసక్త దాసజన పంగ్వాది దోషహరణ |
రంగాంఘ్రిసక్తమన రంగార్చనే నిరత మాం పాహి భో గురువర || ౧౧ ||
గాంధారపాద కమలారాధనాప్తవర గాంధారదేవ కరుణీ |
గాంధారమంత్రరత గాంధారకీర్తిధర భో పాహి మాం గురువర || ౧౨ ||
సంవత్సరాత్మజిత సంవత్సర ప్రభవ హే సంయమీంద్ర పరమ |
సంవత్సరార్పిత సుసత్కర్మ సంఘయుత శశ్వత్ సుఖం దిశ గురో || ౧౩ ||
గోపాలవేద్యనుత గోపాలభావయుత గోపాలబాలరత భో |
గోపాలగీతిరత పాపాళినాశకర మాం పాలయాద్య కరుణీ || ౧౪ ||
స్వామీ బుధాళి గురురాజాయమాన గురుపాదాబ్జ భక్తిభరితః |
సౌభాగ్య సౌఖ్య ధనధాన్యాది వర్ధకమిదం స్తోత్రమావిరకరోత్ || ౧౫ ||
ఇతి శ్రీగురుజగన్నాథదాసార్యకృత శ్రీ రాఘవేంద్ర వైభవ స్తోత్రమ్ ||