శ్రీ రాఘవేంద్ర బంధమోచన కవచం

అథ శ్రీరాఘవేంద్రార్యకవచం మంత్రనామజమ్ |
కలౌ ప్రత్యక్షఫలదం బహ్వాయాసేన వై వినా || ౧ ||
గురోః పుత్రోఽవధూతోఽహం వక్ష్యే ఛందస్యనుష్టుభిః |
రాం బీజం చ నమః శక్తీ రాఘవేంద్రాయ కీలకమ్ || ౨ ||
దురితతిమిరభానౌ దుర్దశాయాః కృశానౌ |
మమ వసతు యతీంద్రే మానసం రాఘవేంద్రే || ౩ ||
ఓం శ్రీం శ్రీరాఘవేంద్రార్యగురురాజః శిరోఽవతు |
ఓం రాం రామమహావీరారాధకోఽవతు సోఽలికమ్ || ౪ ||
ఓం ఘం ఘనతరాపత్తిహరణో రక్షతు భ్రువౌ |
ఓం వేం వేంకటశైలేశపూజకోఽవతు చాక్షిణే || ౫ ||
ఓం ద్రాం ద్రావయితారాతిః కర్ణావవతు సంతతమ్ |
ఓం యం యతీశ్వరో నాసాం ఓం నం నమ్యః కపోలకౌ || ౬ ||
ఓం మం మాన్యోఽవతాజ్జిహ్వాం ఓం మం మస్కరభృద్గలమ్ |
ఓం నం నారాయణప్రేష్ఠః స్కంధదేశం సదాఽవతు || ౭ ||
ఓం యం యక్ష్మాదిభయహా వక్షః పాతు నిరంతరమ్ |
ఓం ద్రాం ద్రాక్ ఛిన్నసర్వారిబంధనోఽవ్యాద్భుజౌ సదా || ౮ ||
ఓం వేం వేపితశత్రుశ్చ హస్తౌ రక్షతు సర్వదా |
ఓం ఘం ఘోరద్విషద్బాధాపరిహర్తాఽవతూదరమ్ || ౯ ||
ఓం రాం రాజాది నిర్బంధఛేదకృత్పాతు పార్శ్వయోః |
ఓం శ్రీం శ్రీహనుమద్భక్తః కటిం మధ్యం చ రక్షతు || ౧౦ ||
ఓం శ్రీం శ్రీలజనస్తుత్యో గుహ్యం రక్షతు శాశ్వతమ్ |
ఓం రాం రాష్ట్రక్షేమకరో ఊరూ రక్షతు జానునీ || ౧౧ ||
ఓం ఘం ఘనాంగో జంఘే చ ఓం వేం వేదాంతవేదకః |
గుల్ఫౌ రక్షతు పాదౌ తు ఓం ద్రాం ద్రుతగతిప్రదః || ౧౨ ||
ఓం యం యమనిధిః పృష్ఠం ఓం నం చిత్తం నతాఖిలః |
ఓం మం మాత్సర్యదోషఘ్నః సర్వాంగాన్యపి రక్షతు || ౧౩ ||
|| మాలామంత్రస్తోత్రమ్ ||
ఓం నమః శ్రీరాఘవేంద్రాయ నమో భగవతే రాం రాఘవభక్తాయ, ఘం ఘనానందాయ, వేం వేతాలాది భయహారిణే, ద్రాం ద్రాక్ ప్రపన్నాయ, యం యక్షరక్షోవినాశాయ, నం నామసంకీర్తనతుష్టాయ, మం మహామోదప్రదాయ స్వాహా | స్మరణమాత్ర సన్నిహితాయఽమిత్రాన్ మిత్రీకురు మిత్రీకురు, వౌషఢాకృష్టాష్టైశ్వర్యచర్యాయ పరమంత్ర-తంత్ర-పాశాది బంధం ఛింధి ఛింధి | హుం భక్తవజ్రకవచరూపాయ, పరకృత శస్త్రాస్త్ర విశ్వచేష్టకం భంజయ భంజయ | వషట్ ప్రకాశరూపాయ, మమ సుదైవం ప్రకాశయ ప్రకాశయ | ఫట్ దండధరాయ, శృంఖలాబంధనం స్ఫోటయ స్ఫోటయ, భేదయ భేదయ, మాం రక్ష, మాం రక్ష, సర్వవిపదః శమయ, శమయ సర్వసంపదః సంపాదయ సంపాదయ హుం ఫట్ స్వాహా || ౧౪ ||
ఏతచ్ఛ్రీరాఘవేంద్రార్యగురురాజః కృపానిధిః |
మాలామంత్రాత్మకం స్తోత్రం సపాదద్విశతార్ణకమ్ || ౧౫ ||
మంత్రరాజాత్మకం బంధమోచకం కవచం శుభమ్ |
శత్రుకృత్యాదిశమనం త్రివారం పఠతాం దినే || ౧౬ ||
యథాయోగ్యం సప్తకం వా ద్విసప్తకమథాఽపి వా |
త్రిసప్తకం మండలం వా త్రిపక్షం వా విచక్షణః || ౧౭ ||
తామ్రపాత్రే చందనేన పరిలిప్తేఽష్టకోణకమ్ |
పద్మం లిఖిత్వా తత్పత్రే మంత్రమష్టాక్షరం గురోః || ౧౮ ||
అనులోమాల్లిఖిత్వాఽథ తద్బహిశ్చ విలోమతః |
లిఖిత్వా కర్ణికాయాం తు రాం బీజం విలిఖేత్ గురోః || ౧౯ ||
విలిఖేత్ రాం చతుర్దిక్షు విలిఖేన్మం విదిక్షు చ |
ఆవాహ్య పూజయేత్ తత్ర రాఘవేంద్రగురుం తథా || ౨౦ ||
హనూమంతం రాఘవం చ ప్రజ్వాల్య ఘృతదీపకమ్ |
వర్తికాష్టకసంయుక్తం గంధపుష్పాక్షతాదిభిః || ౨౧ ||
సంపూజ్య ఫలపానీయైర్నిత్యమష్టోత్తరం శతమ్ |
పశ్చిమాభిముఖో జప్త్వా ముచ్యతే సర్వబంధనాత్ || ౨౨ ||
అప్పణ్ణార్యస్తవం పూర్వం తతశ్చాష్టాక్షరం మనుమ్ |
అష్టోత్తరం జపిత్వాఽథ సమంత్రకవచం జపేత్ || ౨౩ ||
ప్రదోషేహ్యర్థరాత్రే వా శృంఖలాదికబంధతః |
ముచ్యతే నాత్ర సందేహో గురురాజప్రసాదతః || ౨౪ ||
ప్రజపేత్ పూర్వవన్నిత్యం మాలామంత్రార్ణసంఖ్యయా |
మహానిర్బంధతో ముచ్యేదవధూతవచో యథా || ౨౫ ||
సకృద్వా యః పఠేన్నిత్యం ప్రదోషే గురుసన్నిధౌ |
మార్గేఽరణ్యే ద్విషన్మధ్యే చోరసర్పాది బంధనే || ౨౬ ||
ప్రభాతే వా నిశాయాం వా ముచ్యతే సర్వతో భయాత్ |
సంతతిం సంపదం సౌఖ్యం లభతే తత్ ప్రసాదతః || ౨౭ ||
కాషాయవస్త్రం కమనీయవేషమ్ |
-బద్ధాదరం రామకపీశభక్తమ్ || ౨౮ ||
ఇతి శ్రీకృష్ణావధూతపండిత కృతౌ శ్రీరాఘవేంద్రతంత్రే శ్రీ రాఘవేంద్ర బంధమోచన కవచం నామ షష్ఠపటలః ||