శ్రీ రాఘవేంద్ర ప్రదక్షిణా గద్యం

జయ జయ గురురాజ గురురాజ // జయ జయ జగతః క్షేమాయ, శ్రీరాఘవేంద్ర గురుసార్వభౌమ భో, శరణాగతభూభృన్నికురంబం, నాన్యావలంబం, విగతవిలంబం రక్షితుకామం, సుగుణారామం దోషవిరామం, గ్రహణే భీమం, బుధజన సందేహహరం, వందే మయి కురు మందే, సంతత కరుణాం, శోకహరణాం, పార్వణహరిణాంకాననరమణీయాకృతి హరిణీలోచన తరుణీ, లీలాసరణీలోలుపచిత్తే యౌవ్వనమత్తే, వినిహతవిత్తే, విగతమహత్తే, వనమదమత్తేభకుంభవృత్తే స్తనే ప్రదత్తేహే, హా హతశీలే, కపటశీలే, శ్రీలగృహాన్ వా గామం గామం దీనారాన్ వా యాచం యాచం, హీననరాన్ వా సేవం సేవం, పరదారాన్ వా దర్శం దర్శం, సంచితపాపే, కుంచితపుణ్యే, వంచితసాధౌ, పంచమరాగే, పంచితకర్ణే, పంచశరాస్త్రైః అంచితబాధే, సులభక్రోధే, విగతవిబోధే, వివేకహీనే, కాంక్షితయానే, మతాపమానే, భవమధిరూఢే, భావితుమూఢే, కైతవగూఢే, మయి గుణలేశోఽపి న హి, రమేశోపాసనయేశో శకలం కర్తుం చాన్యత్ కర్తుం, తత్తేంఘ్ర్యంభోజం ప్రాపం భో // జయ జయ గురురాజ గురురాజ || ౧ ||
యతివర మాయోపహతో భూయో దారాపత్యాదిక సంసృత్యామనుభూయైవం దుఃఖమభూవం, పుత్రోఽహం తే హిమకరశాంతే, కమలాకాంతేడిత చరణాంతే, కృతవిశ్రాంతే, నితరాం మాం తే పదరుద్ధ్వాంక్షే స్త్రర్థాకాంక్షే స్మరదాకాంక్షే, కనకమయఘటీ కనత్కుచతటీ లసత్తనుపటీరలక్షిత కటీరలఘుశ్రోణీర్భ్రమరశ్రేణీ సన్నిభవేణీర్మంజుల వాణీర్నయనజితైణీః, కుచభరతాంతాః, కపటస్వాంతాః, కలిభిరశాంతాః, విలోక్య కాంతాః, చంచలమనసా, భ్రాంతస్తరసా, మోహాఽఽవర్తే, సుచిరం వర్తే, ప్రీత్యై తాసాముత్తమవాసాంస్యనర్ఘ్య భూషాదికానినీషామాలంబ్యాహం, కుంచితదేహం ధనినాం గేహం, త్వరితంగత్వా, దీనో భూత్వా, స్తవనం కృత్వా, పరీ చరిత్వా కోశం నాపం, క్లేశమవాపం, విపులాలాపం, కృత జపలోపం, ధృతావలేపం, సాధితకపటం, ముఖవీతపటం, ధృతజపమాలం, భువిజనజాలం, సువంచయానో, విహంగయానోపాసనహీనో, వ్యచరం నిత్యం, నరకం సత్యం, భవతీత్యాలోచ్య, సంప్రతి లోపాగత, శరణాగత జనభరణాదరవంతం త్వాం పితరం మత్వాఽధునాగతో భో // జయ జయ గురురాజ గురురాజ || ౨ ||
కృష్ణావధూతం మాం కురు పూతం, తవ పద పోతం త్వమేవ శరణం నాన్యత్కరణం, భవభయహరణం, త్వదభయహస్తం దత్తసమస్తం, నిధేహి మస్తే, జగతి సమస్తే, సదృశః కస్తే, సమస్తతంత్ర-స్వతంత్ర మంత్రాలయకృతధామన్, శుభగుణ భూమన్, ఉదారధీమంస్తవ మహిమానం, నిరస్తమానం, ప్రకాశమానం, నిశమ్యనికటం, భక్తిప్రకటం, ప్రాప్తజనానాం భజమానానాం, త్వరితం నానాభీప్సితదానాలంబితవలయం, కృతపాపలయం, త్వామాఽఽలోక్యాదరాత్ త్రిలోక్యామనుపమచరితం, మమ బహుదురితం, దూరీకుర్యాదితి మత్వార్యాగతముద్ధర మామితరాసుగమాముద్ధృతివిద్యాం యాస్యనవద్యాం, ప్రతిహతనిద్రైః సౌధసముద్రైస్తుంగతరంగైః ప్రేమకురంగైః సంభృతసంగైః లలితాపాంగైః, పశ్యన్ సదయం, మోదిత హృదయం, కురు తవ శక్తిం వక్తుమశక్తిం భజమానోఽహం నాశక మేఘస్ఫీతమనీషో హేయవిశేషో, విషాదపూరే, నిర్గతసారేఽస్థిరసంసారే, సుఖావభాసం, దుఃఖవికాసం, బహుమన్వానః, కిం తన్వానః సుఖీ భవేయం, తవ పది సేయం ప్రణామరీతిః పాలయ మాం భోః // జయ జయ గురురాజ గురురాజ || ౩ ||
ఇతి శ్రీకృష్ణావధూతపండిత కృతౌ శ్రీరాఘవేంద్రతంత్రే దశమపటలే ప్రదక్షిణాగద్యమ్ ||