శ్రీ రాఘవేంద్ర ఆపత్పరిహరణ స్తోత్రం

లోకాయ తద్దురితపాకాప్త పంగుజడమూకాదిభావహరణా |
దారాత్మజాదిభవవారాశి సంభవదపారాపదః శమయ భో || ౧ ||
బీజాయతే సువిధి భూజాయ దూననృషు తే జాగరూకకరుణ |
దారాత్మజాదిభవవారాశి సంభవదపారాపదః శమయ భో || ౨ ||
కోటీరరత్నపరిపాటీభృశారుణితపాటీరపాదుక విభో |
దారాత్మజాది భవవారాశి సంభవదపారాపదః శమయ భో || ౩ ||
-హాదావదోషవిధురే దానవద్విషి మమాదాయ ధేహి హృదయమ్ |
దారాత్మజాదిభవవారాశి సంభవదపారాపదః శమయ భో || ౪ ||
తత్క్షామతాం హరసి భిక్షాటకస్య భువి లక్షాధికస్య సపది |
దారాత్మజాదిభవవారాశి సంభవదపారాపదః శమయ భో || ౫ ||
-తేనాగ్ర్య తే పదమతోఽనాది దుర్దురితమానాశయాశు మమ భో |
దారాత్మజాదిభవవారాశి సంభవదపారాపదః శమయ భో || ౬ ||
భోగావనాప్తుమనురాగాత్తవాంఘ్రిమతివేగాదుపైమి సుఖదమ్ |
దారాత్మజాదిభవవారాశి సంభవదపారాపదః శమయ భో || ౭ ||
తంత్రాభవత్యఖిలతంత్రాదికేష్వపరతంత్రావ మాముపగతమ్ |
దారాత్మజాదిభవవారాశి సంభవదపారాపదః శమయ భో || ౮ ||
-పుష్టాతులం స్తవమకష్టావహం శుభమరిష్టాపహం పఠతి యః |
దారాత్మజాదిభవవారాశి సంభవదపారాపదః శమయ భో || ౯ ||
ఇతి శ్రీకృష్ణావధూత పండిత కృతౌ శ్రీరాఘవేంద్రతంత్రే నవమపటలే ఆపత్పరిహరణ స్తోత్రమ్ నామ ద్వితీయోఽధ్యాయః ||