శ్రీ రాఘవాష్టకం

జానకీవదనారవిందదివాకరం గుణభాజనమ్ |
యాతుధానభయంకరం ప్రణమామి రాఘవకుంజరమ్ || ౧ ||
రావణానుజపాలనం రఘుపుంగవం మమ దైవతమ్ |
సూర్యవంశవివర్ధనం ప్రణమామి రాఘవకుంజరమ్ || ౨ ||
శాతకుంభ మయూరనేత్రవిభూషణేన విభూషితమ్ |
భానువంశవివర్ధనం ప్రణమామి రాఘవకుంజరమ్ || ౩ ||
శిష్టపాలనతత్పరం ధృతిశాలిపార్థకృతస్తుతిమ్ |
లక్ష్మణానుజవత్సలం ప్రణమామి రాఘవకుంజరమ్ || ౪ ||
శ్రీధరం మిథిలాత్మజాకుచకుంకుమారుణవక్షసమ్ |
దాసభూతభయాపహం ప్రణమామి రాఘవకుంజరమ్ || ౫ ||
వేదపారగతైరహర్నిశమాదరేణ సుపూజితమ్ |
పైతృకోదితపాలకం ప్రణమామి రాఘవకుంజరమ్ || ౬ ||
రావణాంతకమచ్యుతం హరియూథకోటిగణాశ్రయమ్ |
దేవకార్యవిచక్షణం ప్రణమామి రాఘవకుంజరమ్ || ౭ ||
చారుహాసమనాథబంధుమశేషలోకనివాసినమ్ |
నీలమేఘనిభాకృతిం ప్రణమామి రాఘవకుంజరమ్ || ౮ ||
ముక్తిభుక్తిఫలప్రదం ధనధాన్యసిద్ధివివర్ధనమ్ |
రామచంద్రపదాంబుజద్వయ సంతతార్పితమానసః || ౯ ||
రామచంద్ర నమోఽస్తు తే జయ రాఘవాయ నమోఽస్తు తే |
వాసుదేవ నమోఽస్తు తే జయ వీరరాజ నమోఽస్తు తే || ౧౦ ||
ఇతి శ్రీ రాఘవాష్టకమ్ |