శ్రీ మూకాంబికా స్తోత్రం

జ్వాలాజాలజితేందుకాంతిలహరీమానందసందాయినీం |
కోలూరాద్రినివాసినీం భగవతీం ధ్యాయామి మూకాంబికాం || ౧ ||
నీలాకారసుకేశినీం సులలితాం నిత్యాన్నదానప్రియాం |
తాం బాలాం త్రిపురాం శివేనసహితాం ధ్యాయామి మూకాంబికాం || ౨ ||
మధ్యాంతాదివివర్జితాం మదకరీం మారేణ సంసేవితాం |
తాం బాలాం త్రిపురాం శివేనసహితాం ధ్యాయామి మూకాంబికాం || ౩ ||
చక్రాక్షాభయ కంపి శోభితకరాం ప్రాలంబవేణీయుతాం |
తాం బాలాం త్రిపురాం శివేనసహితాం ధ్యాయామి మూకాంబికాం || ౪ ||
చంద్రార్కాగ్నివిలోచనాం శశిముఖీమింద్రాదిసంసేవితాం |
మందారాదివనేస్థితాం మణిమయీం ధ్యాయామి మూకాంబికాం || ౫ ||
కల్యాణాచలసంస్థితాం ఘనకృపాం మాయాం మహావైష్ణవీం |
కల్యాణీం త్రిపురాం శివేనసహితాం ధ్యాయామి మూకాంబికాం || ౬ ||
కర్ణాలంబితహేమకుండలధరాం మాణిక్యకాంచీధరాం |
కల్యాణీం త్రిపురాం శివేనసహితాం ధ్యాయామి మూకాంబికాం || ౭ ||
నానాపుష్పసుగంధమాల్యసహితాం నానాజనైస్సేవితాం |
నానారూపధరాం మహేశమహిషీం ధ్యాయామి మూకాంబికాం || ౮ ||
శోకారణ్యధనంజయప్రతినిభాం కోపాటవీచంద్రికాం |
లోకానందకరీం నమామి శిరసా ధ్యాయామి మూకాంబికాం || ౯ ||
చంచత్కాంచనసత్కిరీటఘటితాం గ్రైవేయభూషోజ్జ్వలాం |
పంచాస్యాంచితచంచరీం భగవతీం ధ్యాయామి మూకాంబికాం || ౧౦ ||
శంఖం చక్రవరాభయాని దధతీమిందోః కలాం బిభ్రతీం |
మాయావింధ్యనివాసినీం భగవతీం ధ్యాయామి మూకాంబికాం || ౧౧ ||
మందారాది సమస్తదేవతరుభిస్సంశోభమానాం శివాం |
మూకాంబాం సకలేష్టసిద్ధిఫలదాం వందే పరాం దేవతామ్ || ౧౨ ||
ఇతి శ్రీ మూకాంబా స్తోత్రం