శ్రీ మానసతీర్థ (మానససరోవర) స్తుతిః

తీర్థం సుమానసం వందే కైలాసగిరి సంస్థితమ్ |
సంసారతాపశమనం పరమానందదాయకమ్ || ౧ ||
శ్రీతీర్థం మానసం వందే శివాభ్యాం నిత్యసంస్థితమ్ |
నిర్మలం నిత్యసంసేవ్యం సచ్చిదానందలక్షణమ్ || ౨ ||
గంగాది సర్వతీర్థేభ్యః పవిత్రం పాపనాశనమ్ |
బ్రహ్మాదిసురసంసేవ్యం శివానుగ్రహకారణమ్ || ౩ ||
జ్ఞానరూపం జ్ఞానగమ్యం సత్యశాంతిప్రదం నృణామ్ |
నిత్యశుద్ధం శివాకారం వందే శ్రీమానసం సరః || ౪ ||
మోక్షశ్రీలసితం నిత్యం శివజ్ఞానప్రదాయకమ్ |
విశ్వేశ్వరవరాల్లభ్యం వందేఽహం మానసాహ్వయమ్ || ౫ ||
నిత్యం భూతపతేస్తథైవ గిరిజా స్నానైక పూతం శివమ్ |
తస్మాత్ నిత్యమనుస్మరంతు సుజనాః తీర్థం పరం మానసమ్ || ౬ ||
నానాయోగిమునీంద్రచారణగణైః సిద్ధైః సురైః సేవితమ్ |
విఖ్యాతం విజయప్రదం భువినృణాం సందర్శనాన్మోక్షదమ్ || ౭ ||
నానాఽసార సుసారభూతమమలం త్రైలోక్యసంరక్షకమ్ |
విశ్వజ్ఞాన విభూతి భాసితపదం విశ్వైక శాంతిప్రదమ్ || ౮ ||
నానాకారణకారణం నతజనశ్రేయైకసంపత్ప్రదమ్ |
శ్రీమన్నిర్మలరామనాథ విదుషా సంకీర్తితం సర్వదా || ౯ ||
శ్రీమన్నంది శివైకపార్షదనుతం పీయూషసారోపమమ్ |
శ్రీమన్మానసతీర్థరాజమమలం భూత్యై భువః సర్వదా || ౧౦ ||
ఇతి గురుమూర్తి శివయోగి శ్రీ నిర్మల రామనాథ శర్మ కృత శ్రీ మానసతీర్థ స్తుతిః ||