శ్రీ భవసోదర్యష్టకం

భజతాం కల్పలతికా భవభీతివిభంజనీ |
భ్రమరాభకచా భూయాద్భవ్యాయ భవసోదరీ || ౧ ||
కరనిర్జితపాథోజా శరదభ్రనిభాంబరా |
వరదానరతా భూయాద్భవ్యాయ భవసోదరీ || ౨ ||
కామ్యా పయోజజనుషా నమ్యా సురవరైర్ముహుః |
రభ్యాబ్జవసతిర్భూయాద్భవ్యాయ భవసోదరీ || ౩ ||
కృష్ణాదిసురసంసేవ్యా కృతాంతభయనాశినీ |
కృపార్ద్రహృదయా భూయాద్భవ్యాయ భవసోదరీ || ౪ ||
మేనకాదిసమారాధ్యా శౌనకాదిమునిస్తుతా |
కనకాభతనుర్భూయాద్భవ్యాయ భవసోదరీ || ౫ ||
వరదా పదనమ్రేభ్యః పారదా భవవారిధేః |
నీరదాభకచా భూయాద్భవ్యాయ భవసోదరీ || ౬ ||
వినతాఘహారా శీఘ్రం వినతాతనయార్చితా |
పీనతాయుక్కుచా భూయాద్భవ్యాయ భవసోదరీ || ౭ ||
వీణాలసతపాణిపద్మా కాణాదముఖశాస్త్రదా |
ఏణాంకశిశుభృద్భూయాద్భవ్యాయ భవసోదరీ || ౮ ||
అష్టకం భవసోదర్యాః కష్టనాశకరం ద్రుతమ్ |
ఇష్టదం సంపఠంఛీఘ్రమష్టసిద్ధీరవాప్నుయాత్ || ౯ ||
ఇతి శ్రీసచ్చిదానందశివాభినవనృసింహభారతీస్వామిభిః విరచితం శ్రీ భవసోదర్యష్టకమ్ ||