శ్రీ బ్రహ్మ సంహితా

ఈశ్వరః పరమః కృష్ణః సచ్చిదానందవిగ్రహః |
అనాదిరాదిర్గోవిందః సర్వకారణకారణమ్ || ౧ ||
సహస్రపత్రకమలం గోకులాఖ్యం మహత్పదమ్ |
తత్కర్ణికారం తద్ధామ తదనంతాశసంభవమ్ || ౨ ||
షడంగ షట్పదీస్థానం ప్రకృత్యా పురుషేణ చ |
జ్యోతీరూపేణ మనునా కామబీజేన సంగతమ్ || ౩ ||
తత్కింజల్కం తదంశానాం తత్పత్రాణి శ్రియామపి || ౪ ||
చతురస్రం తత్పరితః శ్వేతద్వీపాఖ్యమద్భుతమ్ |
చతురస్రం చతుర్మూర్తేశ్చతుర్ధామ చతుష్కృతమ్ |
చతుర్భిః పురుషార్థైశ్చ చతుర్భిర్హేతుభిర్వృతమ్ |
శూలైర్దశభిరానద్ధమూర్ధ్వాధో దిగ్విదిక్ష్వపి |
అష్టభిర్నిధిభిర్జుష్టమష్టభిః సిద్ధిభిస్తథా |
మనురూపైశ్చ దశభిర్దిక్పాలైః పరితో వృతమ్ |
శ్యామైర్గౌరైశ్చ రక్తైశ్చ శుక్లైశ్చ పార్షదర్షభైః |
శోభితం శక్తిభిస్తాభిరద్భుతాభిః సమంతతః || ౫ ||
ఏవం జ్యోతిర్మయో దేవః సదానందం పరాత్పరః |
ఆత్మారామస్య తస్యాస్తి ప్రకృత్యా న సమాగమః || ౬ ||
మాయయాఽరమమాణస్య న వియోగస్తయా సహ |
ఆత్మనా రమయా రేమే త్యక్తకాలం సిసృక్షయా || ౭ ||
నియతిః సా రమాదేవీ తత్ప్రియా తద్వశం తదా |
తల్లింగం భగవాన్ శంభుర్జోతిరూపః సనాతనః |
యా యోనిః సాపరాశక్తిః కామో బీజం మహద్ధరేః || ౮ ||
లింగయోన్యాత్మికా జాతా ఇమా మాహేశ్వరీ ప్రజాః || ౯ ||
శక్తిమాన్ పురుషః సోఽయం లింగరూపీ మహేశ్వరః |
తస్మిన్నావిరభూల్లింగే మహావిష్ణుర్జగత్పతిః || ౧౦ ||
సహస్రశీర్షా పురుషః సహస్రాక్షః సహస్రపాత్ |
సహస్రబాహుర్విశ్వాత్మా సహస్రాంశః సహస్రసూః || ౧౧ ||
నారాయణః స భగవానాపస్తస్మాత్సనాతనాత్ |
ఆవిరాసీత్కారణార్ణో నిధిః సంకర్షణాత్మకః |
యోగనిద్రాం గతస్తస్మిన్ సహస్రాంశః స్వయం మహాన్ || ౧౨ ||
తద్రోమబిల జాలేషు బీజం సంకర్షణస్య చ |
హైమాన్యండాని జాతాని మహాభూతావృతాని తు || ౧౩ ||
ప్రత్యండమేవమేకాంశాదేకాంశాద్విశతి స్వయమ్ |
సహస్రమూర్ధా విశ్వాత్మా మహావిష్ణుః సనాతనః || ౧౪ ||
వామాంగాదసృజద్విష్ణుం దక్షిణాంగాత్ప్రజాపతిమ్ |
జ్యోతిర్లింగమయం శంభుం కూర్చదేశాదవాసృజత్ || ౧౫ ||
అహంకారాత్మకం విశ్వం తస్మాదేతద్వ్యజాయత || ౧౬ ||
అథ తైస్త్రివిధైర్వేశైర్లీలాముద్వహతః కిల |
యోగనిద్రా భగవతీ తస్య శ్రీరివ సంగతా || ౧౭ ||
ససృక్షాయాం తతో నాభేస్తస్య పద్మం వినిర్యయౌ |
తన్నాలం హేమనలినం బ్రహ్మణో లోకమద్భుతమ్ || ౧౮ ||
తత్త్వాని పూర్వరూఢాని కారణాని పరస్పరమ్ |
సమవాయాప్రయోగాచ్చ విభిన్నాని పృథక్ పృథక్ |
చిచ్ఛక్త్యా సజ్జమానోఽథ భగవానాదిపూరుషః |
యోజయన్మాయయా దేవో యోగనిద్రామకల్పయత్ || ౧౯ ||
యోజయిత్వా తు తాన్యేవ ప్రవివేశ స్వయం గుహామ్ |
గుహాం ప్రవిష్టే తస్మింస్తు జీవాత్మా ప్రతిబుధ్యతే || ౨౦ ||
స నిత్యో నిత్యసంబంధః ప్రకృతిశ్చ పరైవ సా || ౨౧ ||
ఏవం సర్వాత్మసంబంధం నాభ్యాం పద్మం హరేరభూత్ |
తత్ర బ్రహ్మాభవద్భూయశ్చతుర్వేదీ చతుర్ముఖః || ౨౨ ||
స జాతో భగవచ్ఛక్త్యా తత్కాలం కిల చోదితః |
సిసృక్షాయాం మతిం చక్రే పూర్వసంస్కారసంస్కృతః |
దదర్శ కేవలం ధ్వాంతం నాన్యత్కిమపి సర్వతః || ౨౩ ||
ఉవాచ పురతస్తస్మై తస్య దివ్యా సరస్వతీ |
కామః కృష్ణాయ గోవింద హే గోపీజన ఇత్యపి |
వల్లభాయ ప్రియా వహ్నేర్మంత్రం తే దాస్యతి ప్రియమ్ || ౨౪ ||
తపస్త్వం తప ఏతేన తవ సిద్ధిర్భవిష్యతి || ౨౫ ||
అథ తేపే స సుచిరం ప్రీణన్ గోవిందమవ్యయమ్ |
శ్వేతద్వీపపతిం కృష్ణం గోలోకస్థం పరాత్పరమ్ |
ప్రకృత్యా గుణరూపిణ్యా రూపిణ్యా పర్యుపాసితమ్ |
సహస్రదలసంపన్నే కోటికింజల్కబృంహితే |
భూమిశ్చింతామణిస్తత్ర కర్ణికారే మహాసనే |
సమాసీనం చిదానందం జ్యోతిరూపం సనాతనమ్ |
శబ్దబ్రహ్మమయం వేణుం వాదయంతం ముఖాంబుజే |
విలాసినీగణవృతం స్వైః స్వైరంశైరభిష్టుతమ్ || ౨౬ ||
అథ వేణునినాదస్య త్రయీమూర్తిమయీ గతిః |
స్ఫురంతీ ప్రవివేశాశు ముఖాబ్జాని స్వయంభువః |
గాయత్రీం గాయతస్తస్మాదధిగత్య సరోజజః |
సంస్కృతశ్చాదిగురుణా ద్విజతామగమత్తతః || ౨౭ ||
త్రయ్యా ప్రబుద్ధోఽథ విధిర్విజ్ఞాతతత్త్వసాగరః |
తుష్టావ వేదసారేణ స్తోత్రేణానేన కేశవమ్ || ౨౮ ||
లక్షావృతేషు సురభీరభిపాలయంతమ్ |
గోవిందమాదిపురుషం తమహం భజామి || ౨౯ ||
బర్హావతంసమసితాంబుదసుందరాంగమ్ |
గోవిందమాదిపురుషం తమహం భజామి || ౩౦ ||
-రత్నాంగదం ప్రణయకేలికలావిలాసమ్ |
గోవిందమాదిపురుషం తమహం భజామి || ౩౧ ||
పశ్యంతి పాంతి కలయంతి చిరం జగంతి |
గోవిందమాదిపురుషం తమహం భజామి || ౩౨ ||
ఆద్యం పురాణపురుషం నవయౌవనం చ |
గోవిందమాదిపురుషం తమహం భజామి || ౩౩ ||
వాయోరథాపి మనసో మునిపుంగవానామ్ |
గోవిందమాదిపురుషం తమహం భజామి || ౩౪ ||
యచ్ఛక్తిరస్తి జగదండచయా యదంతః |
గోవిందమాదిపురుషం తమహం భజామి || ౩౫ ||
సంప్రాప్య రూపమహిమాసనయానభూషాః |
గోవిందమాదిపురుషం తమహం భజామి || ౩౬ ||
-స్తాభిర్య ఏవ నిజరూపతయా కలాభిః |
గోవిందమాదిపురుషం తమహం భజామి || ౩౭ ||
సంతః సదైవ హృదయేషు విలోకయంతి |
గోవిందమాదిపురుషం తమహం భజామి || ౩౮ ||
నానావతారమకరోద్భువనేషు కింతు |
గోవిందమాదిపురుషం తమహం భజామి || ౩౯ ||
-కోటిష్వశేషవసుధాది విభూతిభిన్నమ్ |
గోవిందమాదిపురుషం తమహం భజామి || ౪౦ ||
త్రైగుణ్యతద్విషయవేదవితాయమానా |
గోవిందమాదిపురుషం తమహం భజామి || ౪౧ ||
యః ప్రాణినాం ప్రతిఫలన్ స్మరతాముపేత్య |
గోవిందమాదిపురుషం తమహం భజామి || ౪౨ ||
దేవి మహేశహరిధామసు తేషు తేషు |
గోవిందమాదిపురుషం తమహం భజామి || ౪౩ ||
ఛాయేవ యస్య భువనాని బిభర్తి దుర్గా |
గోవిందమాదిపురుషం తమహం భజామి || ౪౪ ||
సంజాయతే న హి తతః పృథగస్తి హేతోః |
-ద్గోవిందమాదిపురుషం తమహం భజామి || ౪౫ ||
దీపాయతే వివృతహేతుసమానధర్మా |
గోవిందమాదిపురుషం తమహం భజామి || ౪౬ ||
-నిద్రామనంతజగదండసరోమకూపః |
గోవిందమాదిపురుషం తమహం భజామి || ౪౭ ||
జీవంతి లోమబిలజా జగదండనాథాః |
గోవిందమాదిపురుషం తమహం భజామి || ౪౮ ||
స్వీయం కియత్ప్రకటయత్యపి తద్వదత్ర |
గోవిందమాదిపురుషం తమహం భజామి || ౪౯ ||
-ద్వంద్వే ప్రణామసమయే స గణాధిరాజః |
గోవిందమాదిపురుషం తమహం భజామి || ౫౦ ||
కాలస్తథాత్మమనసీతి జగత్త్రయాణి |
గోవిందమాదిపురుషం తమహం భజామి || ౫౧ ||
రాజా సమస్తసురమూర్తిరశేషతేజాః |
గోవిందమాదిపురుషం తమహం భజామి || ౫౨ ||
బ్రహ్మాదికీటపతగావధయశ్చ జీవాః |
గోవిందమాదిపురుషం తమహం భజామి || ౫౩ ||
-బంధానురూపఫలభాజనమాతనోతి |
గోవిందమాదిపురుషం తమహం భజామి || ౫౪ ||
-వాత్సల్యమోహగురుగౌరవసేవ్యభావైః |
గోవిందమాదిపురుషం తమహం భజామి || ౫౫ ||
ద్రుమా భూమిశ్చింతామణిగణమయి తోయమమృతమ్ |
చిదానందం జ్యోతిః పరమపి తదాస్వాద్యమపి చ |
నిమేషార్ధాఖ్యో వా వ్రజతి న హి యత్రాపి సమయః |
విదంతస్తే సంతః క్షితివిరలచారాః కతిపయే || ౫౬ ||
అథోవాచ మహావిష్ణుర్భగవంతం ప్రజాపతిమ్ |
బ్రహ్మన్ మహత్త్వవిజ్ఞానే ప్రజాసర్గే చ చేన్మతిః |
పంచశ్లోకీమిమాం విద్యాం వత్స దత్తాం నిబోధ మే || ౫౭ ||
ప్రబుద్ధే జ్ఞానభక్తిభ్యామాత్మన్యానందచిన్మయీ |
ఉదేత్యనుత్తమా భక్తిర్భగవత్ప్రేమలక్షణా || ౫౮ ||
ప్రమాణైస్తత్ సదాచారైస్తదభ్యాసైర్నిరంతరమ్ |
బోధయనాత్మనాత్మానం భక్తిమప్యుత్తమాం లభేత్ || ౫౯ ||
యస్యాః శ్రేయస్కరం నాస్తి యయా నిర్వృతిమాప్నుయాత్ |
యా సాధయతి మామేవ భక్తిం తామేవ సాధయేత్ || ౬౦ ||
ధర్మానన్యాన్ పరిత్యజ్య మామేకం భజ విశ్వసన్ |
యాదృశీ యాదృశీ శ్రద్ధా సిద్ధిర్భవతి తాదృశీ |
కుర్వన్నిరంతరం కర్మ లోకోఽయమనువర్తతే |
తేనైవ కర్మణా ధ్యాయన్మాం పరాం భక్తిమిచ్ఛతి || ౬౧ ||
బీజం ప్రధానం ప్రకృతిః పుమాంశ్చ |
విధే విధేహి త్వమథో జగంతి || ౬౨ ||
ఇతి శ్రీ బ్రహ్మ సంహితా సంపూర్ణమ్ |