శ్రీ బలరామ స్తోత్రం

జయ రామ సదారామ సచ్చిదానందవిగ్రహ |
అవిద్యాపంకగలితనిర్మలాకార తే నమః || ౧ ||
జయాఽఖిలజగద్భారధారణ శ్రమవర్జిత |
తాపత్రయవికర్షాయ హలం కలయతే సదా || ౨ ||
ప్రపన్నదీనత్రాణాయ బలరామాయ తే నమః |
త్వమేవేశ పరాశేషకలుషక్షాలనప్రభుః || ౩ ||
ప్రపన్నకరుణాసింధో భక్తప్రియ నమోఽస్తు తే |
చరాచరఫణాగ్రేణ ధృతా యేన వసుంధరా || ౪ ||
మాముద్ధరాస్మద్దుష్పారాద్భవాంభోధేరపారతః |
పరాపరాణాం పరమం పరమేశ నమోఽస్తు తే || ౫ ||
ఇమం స్తవం యః పఠతి బలరామాధిదైవతమ్ |
బలిష్ఠః సర్వకార్యేషు గరిష్ఠః సోఽభిజాయతే || ౬ ||
ఇతి శ్రీ బలరామ స్తోత్రమ్ |