శ్రీ బగళాముఖీ స్తోత్రం 2

ఓం హ్రీం అంగుష్ఠాభ్యాం నమః
హ్రీం ఓం స్వాహా కరతలకరపృష్టాభ్యాం నమః
ఓం హ్రీం హృదయాయ నమః
భూర్భువస్సువరోమితి దిగ్బంధః |
ధ్యానమ్ |
పీతాంబరాం త్రిణేత్రాం చ ద్విభుజాం దహనోజ్వలాం |
శిలాపర్వతహస్తాం చ రిపుకంపాం మహోత్కటామ్ || ౧ ||
గంభీరాం చ మదోన్మత్తాం స్వర్ణకాంతిసమప్రభాం |
వైరినిర్దళనార్థాయ స్మరేత్తాం బగళాముఖీమ్ || ౨ ||
చతుర్భుజాం త్రిణయనాం కమలాసనసంస్థితాం |
దక్షిణే ముద్గరం పాశం వామే జిహ్వాం చ వజ్రకమ్ || ౩ ||
పీతాంబరధరాం సాంద్రాం దృఢపీనయోధరాం |
వైరివాక్త్సంభినీం దేవీం స్మరామి బగళాముఖీమ్ || ౪ ||
హేమకుండలభూషాంగీం శీతచంద్రార్ధశేఖరీం |
పీతభూషణభూషాఢ్యాం స్వర్ణసింహాసనేస్థితామ్ || ౫ ||
త్రిశూలధారిణీమంబాం సర్వసౌభాగ్యదాయినీం |
సర్వశృంగారవేషాఢ్యాం భజేత్తాం బగళాముఖీమ్ || ౬ ||
సింహాసనోపరిగతాం పరిపీతవర్ణామ్ |
దేవీం నమామి ధృత ముద్గరవైరి జిహ్వామ్ || ౭ ||
లసత్కనకచంపక ద్యుతిమదర్ధేందు బింబాంచితామ్ |
నమామి బగళాముఖీం ధీమతాం వాఙ్మనస్స్తంభినీమ్ || ౮ ||
యాసింహాసన మౌళిపాతితరిపు ప్రేతాసనాధ్యాసినీమ్ |
యస్త్వాం పశ్యతి తస్య యాంతి విలయం సద్యోహి సర్వాపదః || ౯ ||
ముద్రాం వామకరే నిధాయ చ పునర్మంత్రీ మనోజ్ఞాక్షరీం |
తస్యా మిత్రచయస్య సంసది ముఖ స్తంభో భవేత్తత్క్షణాత్ || ౧౦ ||
యంత్రంవాదిని యంత్రిణం త్రిజగతాం జైత్రం స చిత్రం చ తత్ |
తన్నామస్మరణేన వాగ్భవముఖ స్తంభోభవేత్తత్క్షణాత్ || ౧౧ ||
భూభృత్త్సంభనకారణం మృగదృశాం చేతస్సమాకర్షణం |
మృత్యోర్మారణమావిరస్తు పురతో మాతస్త్వదీయం వపుః || ౧౨ ||
విద్యావాదే వివాదే ప్రకటితనృపతౌ యుద్ధకాలే నిశాయాం |
గచ్ఛంతీష్టం త్రికాలం తవ పఠనమిదం కారయేదాశు ధీరః || ౧౩ ||
బ్రాహ్మీం ముద్రయ ముద్రయాశుధిషణామంఘ్ర్యోర్గతిం స్తంభయ |
విఘ్నౌఘం బగళే హర ప్రతిదినం కౌమారి వామేక్షణే || ౧౪ ||
శ్రీనిత్యే బగళే మహేశి సమయే రామే సురామే రమే |
వందేహం శరణాగతోస్మికృపయా విశ్వేశ్వరీ త్రాహి మామ్ || ౧౫ ||
యోషాకర్షణకారిణీ చ సుమహాబంధైకసంభేదినీ |
జిహ్వాకీలనభైరవీ విజయతే బ్రహ్మాస్త్రసారాయణీ || ౧౬ ||
యః కృతం జపసంఖ్యానాం చింతితం పరమేశ్వరీ |
శత్రూణాం బుద్ధినాశాయ గృహాణ మదనుగ్రహాత్ || ౧౭ ||
మధ్యేతిపీన కుచయోర్ధృతపీతవస్త్రాం |
నిత్యం స్మరామి బగళాం రిపువక్త్ర కీలామ్ || ౧౮ ||
ఏకాగ్ర మానసో భూత్వా స్తోష్యత్యంబాం సుశోభనాం |
రజన్యా రచితాం మాలాం కరే ధృత్వా జపేచ్ఛుచిః || ౧౯ ||
వామే పాణౌ తు పాశం చ తస్యాధస్తాద్ధృఢం శుభం |
దక్షే కరేఽక్షసూత్రం చ అధఃపద్మం చ ధారిణీం || ౨౦ ||
దుర్గే ప్రత్యంగిరాద్యే మురరిపుభగినీ భార్గవీవామనేత్రే |
విశ్వాద్యే విశ్వజైత్రీ త్రిపురః బగళే విశ్వవంద్యే త్వమేకా || ౨౧ ||
శంఖం ఖేటం హలమపి చ గదాం బిభ్రతీం వామదోర్భిః |
వందే దేవీం సకలవరదాం పంచమీం మాతృమధ్యామ్ || ౨౨ ||
రష్టోత్తరైశ్శతకరైశ్చ సహస్రహస్తైః |
దేవీం భజామి బగళాం రసనాగ్రహస్తామ్ || ౨౩ ||
కంబుహేమ నవకుండల కర్ణాం |
చింతయామి బగళాం హృదయాబ్జే || ౨౪ ||
వామేన శత్రూన్ పరిపీడయంతీం |
పీతాంబరాఢ్యాం ద్విభుజాం నమామి || ౨౫ ||
పీతాంభోరుహసంస్థితాం త్రినయనాం పీతాంగరాగోజ్జ్వలాం |
విద్యుత్కోటి నిభాం ప్రసన్న బగళాం ప్రత్యర్థివాక్త్సంభినీం || ౨౬ ||
స్తుత్వాఽథ నామబగళే సముపైతి వశ్యం |
పద్మార్చకస్య భవతీతి కిమత్ర చిత్రమ్ || ౨౭ ||
భజామి బగళాముఖీం భవసుఖైకసంధాయినీం |
ద్వేషీ మిత్రతి పాపకృత్సుకృతతి క్ష్మావల్లభోధావతి || ౨౮ ||
త్వాం వందే భవభీతిభంజనకరీం గౌరీం గిరీశప్రియాం |
ధృత్వా యన్త్రమిదం తథైవ సమరే బాహ్వోః కరే వా గళే || ౨౯ ||
స్తోత్రైర్యాంతి విమోహితా రిపుగణా లక్ష్మీః స్థిరా సిద్ధయః |
భద్రే రుద్రమనోహరే త్రిభువనత్రాణే దరిద్రాపహే || ౩౦ ||
నీహారాద్రిసుతే నిసర్గసరళే విద్యే సురాద్యే నమః |
యే నిత్యం ప్రజపన్తి భక్తి భరితాస్తేభ్యస్స్తవం నిశ్చితమ్ || ౩౧ ||
నూనం శ్రేయో వశ్యమారోగ్యతాం చ ప్రాప్తస్సర్వం భూతలే సాధకస్తు |
భక్త్యా నిత్యం స్తోత్రమేతత్పఠన్వై విద్యాం కీర్తిం వంశవృద్ధిం చ విన్దేత్ || ౩౨ ||
ఇతి శ్రీరుద్రయామళే శ్రీబగళాముఖీస్తోత్రమ్ ||