శ్రీ నృసింహ సంస్తుతిః

చండకోపం మహాజ్వాలమేకం ప్రభుమ్ |
హ్యుగ్రమత్యుష్ణకాంతిం భజేఽహం ముహుః || ౧ ||
రక్తనేత్రం మహాదేవమాశాంబరమ్ |
వీరమాదిత్యభాసం భజేఽహం ముహుః || ౨ ||
హర్షదం శ్మశ్రువంతం స్థిరజ్ఞప్తికమ్ |
నాశితాశేషదుఃఖం భజేఽహం ముహుః || ౩ ||
ఘోరమర్కప్రతాపం మహాభద్రకమ్ |
తేజసా సంజ్వలంతం భజేఽహం ముహుః || ౪ ||
వారణం పీడనానాం సమేషాం గురుమ్ |
ముఖ్యమస్వప్నకానాం భజేఽహం ముహుః || ౫ ||
సర్వవిజ్ఞం భవంతం మహావక్షసమ్ |
దేవదేవం నృసింహం భజేఽహం ముహుః || ౬ ||
సిద్ధిదం శాశ్వతం సత్త్రిలోకేశ్వరమ్ |
భీషణం భూమిపాలం భజేఽహం ముహుః || ౭ ||
దివ్యతేజఃసమానప్రభం దైవతమ్ |
భద్రమాద్యంతవాసం భజేఽహం ముహుః || ౮ ||
సర్వకామేశ్వరం సాధుచిత్తస్థితమ్ |
మృత్యుమృత్యుం విశాలం భజేఽహం ముహుః || ౯ ||
నిత్యమేకైకవారం పఠన్ సజ్జనః |
దీర్ఘమాయుష్యమారోగ్యమప్యుత్తమమ్ || ౧౦ ||
ఇతి శ్రీ నృసింహ సంస్తుతిః |