శ్రీ నవనారసింహ మంగళశ్లోకాః

శ్రీపరాంకుశయోగీంద్ర శఠారిప్రముఖాన్ గురూన్ |
మంగళాశాసనపరాన్ మహితాననిశం భజే ||
జగజ్జన్మాదిలీలాయ జగదానందహేతవే |
జగచ్చక్షుర్నివాసాయ శ్రీనృసింహాయ మంగళం ||
జ్వాలాఽహోబల మాలోల క్రోడ కారంజ భార్గవాః |
యోగానంద చ్ఛత్రవట పావనా నవమూర్తయః ||
హిరణ్యస్తంభసంభూతి ప్రఖ్యాత పరమాత్మనే |
ప్రహ్లాదార్తిముషే జ్వాలానరసింహాయ మంగళమ్ || ౧ ||
శ్రీశఠారియతీంద్రాది యోగిహృత్పద్మభానవే |
సర్వత్ర పరిపూర్ణాయాఽహోబిలేశాయ మంగళమ్ || ౨ ||
వారిజావారితభయైర్వాణీపతిముఖైః సురైః |
మహితాయ మహోదార మాలోలాయాఽస్తు మంగళమ్ || ౩ ||
వరాహకుండే మేదిన్యై వారాహార్థప్రదాయినే |
దంతలగ్న హిరణ్యాక్ష దంష్ట్రసింహాయ మంగళమ్ || ౪ ||
గోభూహిరణ్యనిర్విణ్ణగోభిలజ్ఞానదాయినే |
ప్రభంజన శునాసీర కారంజాయాఽస్తు మంగళమ్ || ౫ ||
భార్గవాఖ్య తపస్వీశ భావనాభావితాత్మనే |
అక్షయ్యతీర్థతీరస్థ భార్గవాయాఽస్తు మంగళమ్ || ౬ ||
చతురాననచేతోఽబ్జచిత్రభానుస్వరూపిణే |
వేదాద్రిగహ్వరస్థాయ యోగానందాయ మంగళమ్ || ౭ ||
హాహాహూహ్వాఖ్యగంధర్వనృత్తగీతహృతాత్మనే |
భవహంతృ తటచ్ఛత్ర వటసింహాయ మంగళమ్ || ౮ ||
భారద్వాజ మహాయోగి మహాపాతకహారిణే |
తాపనీయరహస్యార్థ పావనాయాఽస్తు మంగళమ్ || ౯ ||
మంగళాశాసనమిదం మానివాస మునీరితం |
మహనీయం పఠన్ శృణ్వన్ మంగళాయతనం భవేత్ ||
ఇతి శ్రీ నవనారసింహ మంగళశ్లోకాః |