శ్రీ నగ్నభైరవ స్తుతిః (ముద్గలపురాణే)

భ్రూశుండ్యువాచ |
సర్వమాయావిహీనాయ సర్వమాయాప్రచాలక |
సర్వాంతర్యామిణే నిత్యం నగ్నభైరవ తే నమః || ౧ ||
మయూరేశపరాయైవ మయూరపురపాలక |
ధర్మిష్ఠానాం సుపాలాయ నగ్నభైరవ తే నమః || ౨ ||
అధర్మనిరతాంశ్చైవ బహిఃకారాయ దేవప |
సదా స్వానందనిష్ఠాయ నగ్నభైరవ తే నమః || ౩ ||
సంస్కారయుక్తభావేన పాపకర్మపరాత్మనామ్ |
మయూరే దండకర్త్రే వై నగ్నభైరవ తే నమః || ౪ ||
మహాబలధరాయైవ బ్రహ్మాదీనాం ప్రచాలక |
అమేయశక్తయే దేవ నగ్నభైరవ తే నమః || ౫ ||
భుక్తిముక్తిప్రదాత్రే చ ధనధాన్యవివర్ధన |
గాణేశానాం ప్రపాలాయ నగ్నభైరవ తే నమః || ౬ ||
ప్రలయే శూలముద్యమ్య బ్రహ్మాండభయకారక |
శూలప్రోతమహాండాయ నగ్నభైరవ తే నమః || ౭ ||
అట్టహాసేన దేవేంద్రాంస్తథా సంత్రాస్య చాసురాన్ |
నృత్యసే గణనాథాగ్రే నగ్నభైరవ తే నమః || ౮ ||
ఆద్యంతమధ్యేషు మహానుభావ |
-నస్మాన్ కురుష్వ త్వమనన్యభావాన్ || ౯ ||
త్వద్భీతిభావేన జగత్ప్రవృత్తిః |
స్వస్వప్రకార్యం ప్రకరోతి చాత్మన్ || ౧౦ ||
సురక్ష తే భక్తియుతం కురుష్వ |
గణేశసంస్థం కురు తే నమో వై || ౧౧ ||
ఇదం స్తోత్రం మహేశానా నగ్నభైరవకస్య చ |
యః పఠేచ్ఛృణుయాద్వాఽపి స సర్వం ప్రలభేచ్ఛుభమ్ || ౧౨ ||
ధనధాన్యాదికం సర్వం భుక్తిముక్తిసమన్వితమ్ |
లభేదనేన దేవేశాస్తువిధ్వం నగ్నభైరవమ్ || ౧౩ ||
మయూరక్షేత్రత్యాగశ్చ కదాపి న భవేన్నృణామ్ |
స్తోత్రేణ స్తువతాం నిత్యం న కించిద్దుర్లభం భవేత్ || ౧౪ ||
ఇతి శ్రీమన్ముద్గలే మహాపురాణే షష్ఠే ఖండే అష్టావింశతితమోఽధ్యాయే భ్రూశుండి కృత శ్రీ నగ్నభైరవ స్తుతిః ||