శ్రీ నందకుమారాష్టకం

వృందావనచంద్రం ఆనందకందం పరమానందం ధరణిధరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౧ ||
గుంజాకృతిహారం విపినవిహారం పరమోదారం చీరహరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౨ ||
ముఖమండితరేణుం చారితధేనుం వాదితవేణుం మధురసురమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౩ ||
మాయాకృతమనుజం హలధర అనుజం ప్రతిహతదనుజం భారహరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౪ ||
జితమన్మథమానం రూపనిధానం కృతకలగానం చిత్తహరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౫ ||
మోహనమతిధీరం ఫణిబలవీరం హతపరవీరం తరళతరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౬ ||
గోకులపరివారం మదనాకారం కుంజవిహారం గూఢతరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౭ ||
కాళియశిరగమనం కృతఫణినమనం ఘాతితయమనం మృదులతరమ్ |
భజ నందకుమారం సర్వసుఖసారం తత్త్వవిచారం బ్రహ్మపరమ్ || ౮ ||
ఇతి శ్రీమద్వల్లభాచార్యవిరచితం శ్రీ నందకుమారాష్టకమ్ ||