శ్రీ ధూమావతీ స్తోత్రం

మధ్యాహ్నే ప్రౌఢరూపా వికసితవదనా చారునేత్రా నిశాయాం |
సా దేవీ దేవదేవీ త్రిభువనజననీ కాళికా పాతు యుష్మాన్ || ౧ ||
కృత్వా దైత్యోత్తమాంగైః స్రజమురసి శిరశ్శేఖరం తార్క్ష్యపక్షైః |
పాయాద్వో వంద్యమాన ప్రలయ ముదితయా భైరవః కాళరాత్ర్యామ్ || ౨ ||
కుర్వాణా ప్రేతమధ్యే కహహ కహకహా హాస్యముగ్రం కృశాంగీ |
పాయాన్నశ్చండికేయం ఝఝమఝమఝమా జల్పమానా భ్రమంతీ || ౩ ||
స్ఫేంస్ఫేంస్ఫేంస్ఫార కారాటకటకితహసా నాదసంఘట్టభీమా |
చర్వంతీ చండముండం మటమటమటితే చర్వయంతీపునాతు || ౪ ||
కంఠేనక్షత్రహారం వరవికటజటాజూటకేముండమాలాం |
సంహారే ధారయంతీ మమ హరతు భయం భద్రదా భద్రకాళీ || ౫ ||
లోహేనై కేన కృత్వా చరణనళినకా మాత్మనః పాదశోభాం |
వర్షిణ్యాతిప్రబద్ధా ధ్వజవితతభుజా భాసి దేవి త్వమేవ || ౬ ||
మాలామాబద్ధ్యమూర్ధ్ని ధ్వజవితతభుజా త్వం శ్మశానే ప్రవిష్టా |
శూలాగ్రవ్యగ్రహస్తా మధురుధిరవసా తామ్రనేత్రా నిశాయామ్ || ౭ ||
సంసారస్యాంతకాలే నరరుధిరవసాసంప్లవే ధూమధూమ్రే |
రక్తారూక్షా సభాస్థా మరణభయహరా త్వం శివా చండఘంటా || ౮ ||
ధూమావత్యష్టకం పుణ్యం సర్వాపద్వినివారణం |
యఃపఠేత్సాధకో భక్త్యా సిద్ధిం విందతి వాంఛితామ్ || ౯ ||
మహాపది మహాఘోరే మహారోగే మహారణే |
శత్రూచ్చాటే మారణాదౌ జంతూనాం మోహనే తథా || ౧౦ ||
పఠేత్ స్తోత్రమిదం దేవి సర్వతః సిద్ధిభాగ్భవేత్ |
దేవదానవగంధర్వా యక్షరాక్షసపన్నగాః || ౧౧ ||
సింహవ్యాఘ్రాదికాస్సర్వే స్తోత్రస్మరణమాత్రతః |
దూరాద్దూరాతరం యాంతి కింపునర్మానుషాదయః || ౧౨ ||
స్తోత్రేణానేన దేవేశి కిన్న సిద్ధ్యతి భూతలే |
సర్వశాంతిర్భవేద్దేవి అంతే నిర్వాణతాం వ్రజేత్ || ౧౩ ||
ఇతి ఊర్ధ్వామ్నాయే శ్రీ ధూమవతీస్తోత్రం సంపూర్ణమ్ |