శ్రీ దధివామన స్తోత్రం

హేమాద్రిశిఖరాకారం శుద్ధస్ఫటికసన్నిభమ్ |
పూర్ణచంద్రనిభం దేవం ద్విభుజం వామనం స్మరేత్ || ౧ ||
పద్మాసనస్థం దేవేశం చంద్రమండలమధ్యగమ్ |
జ్వలత్కాలానలప్రఖ్యం తడిత్కోటిసమప్రభమ్ || ౨ ||
సూర్యకోటిప్రతీకాశం చంద్రకోటిసుశీతలమ్ |
చంద్రమండలమధ్యస్థం విష్ణుమచ్యుతమవ్యయమ్ || ౩ ||
శ్రీవత్సకౌస్తుభోరస్కం దివ్యరత్నవిభూషితమ్ |
పీతాంబరముదారాంగం వనమాలావిభూషితమ్ || ౪ ||
సుందరం పుండరీకాక్షం కిరీటేన విరాజితమ్ |
షోడశస్త్రీపరివృతమప్సరోగణసేవితమ్ || ౫ ||
ఋగ్యజుః సామాథర్వాద్యైర్గీయమానం జనార్దనమ్ |
చతుర్ముఖాద్యైర్దేవేశైః స్తోత్రారాధనతత్పరైః || ౬ ||
సనకాద్యైర్మునిగణైః స్తూయమానమహర్నిశమ్ |
త్రియంబకో మహాదేవో నృత్యతే యస్య సన్నిధౌ || ౭ ||
దధిమిశ్రాన్నకవలం రుక్మపాత్రం చ దక్షిణే |
కరే తు చింతయేద్వామే పీయూషమమలం సుధీః || ౮ ||
సాధకానాం ప్రయచ్ఛంతమన్నపానమనుత్తమమ్ |
బ్రాహ్మే ముహూర్తే చోత్థాయ ధ్యాయేద్దేవమధోక్షజమ్ || ౯ ||
సులలితదధిఖండం పాణినా దక్షిణేన |
తరతి సకలదుఃఖాద్వామనం భావయేద్యః || ౧౦ ||
క్షీరమన్నమన్నదాతా లభేదన్నాద ఏవ చ |
పురస్తాదన్నమాప్నోతి పునరావర్తివర్జితమ్ |
ఆయురారోగ్యమైశ్వర్యం లభతే చాన్నసంపదః || ౧౧ ||
ఇదం స్తోత్రం పఠేద్యస్తు ప్రాతఃకాలే ద్విజోత్తమః |
అక్లేశాదన్నసిద్ధ్యర్థం జ్ఞానసిద్ధ్యర్థమేవ చ || ౧౨ ||
పాయాద్దేవో వామనో బ్రహ్మచారీ || ౧౩ ||
-రుచిరపావనవామనమూర్తయే |
నిగమవాక్పటవే వటవే నమః || ౧౪ ||
శ్రీభూమిసహితం దివ్యం ముక్తామణివిభూషితమ్ |
నమామి వామనం విష్ణుం భుక్తిముక్తిఫలప్రదమ్ || ౧౫ ||
వామనో బుద్ధిదాతా చ ద్రవ్యస్థో వామనః స్మృతః |
వామనస్తారకోభాభ్యాం వామనాయ నమో నమః || ౧౬ ||
ఇతి శ్రీవామనపురాణే శ్రీ దధివామన స్తోత్రమ్ |