శ్రీ కమలాంబికా స్తోత్రం

మందారాది సమర్చితాం మధుమతీం మందస్మితాం సుందరీమ్ |
వందేఽహం కమలాంబికామనుదినం వాంఛానుకూలాం శివామ్ || ౧ ||
శ్రీవాణీపరిసేవితాంఘ్రియుగళాం శ్రీమత్కృపాసాగరామ్ |
వందేఽహం కమలాంబికామనుదినం వాంఛానుకూలాం శివామ్ || ౨ ||
శ్రేయఃసంచయదాయినీం గుణమయీం వాయ్వాది భూతాం సతామ్ |
వందేఽహం కమలాంబికామనుదినం వాంఛానుకూలాం శివామ్ || ౩ ||
సాలోక్యాది చతుర్విధార్థఫలదాం నీలోత్పలాక్షీమజామ్ |
వందేఽహం కమలాంబికామనుదినం వాంఛానుకూలాం శివామ్ || ౪ ||
జ్ఞానానందవివర్ధినీం విజయదాం మీనేక్షణాం మోహినీమ్ |
వందేఽహం కమలాంబికామనుదినం వాంఛానుకూలాం శివామ్ || ౫ ||
షట్శాస్త్రాగమవేదవేదితగుణాం షట్కోణసంవాసినీమ్ |
వందేఽహం కమలాంబికామనుదినం వాంఛానుకూలాం శివామ్ || ౬ ||
ఏకామీశసుఖప్రదాం ద్విజనుతామేకాంతసంచారిణీమ్ |
వందేఽహం కమలాంబికామనుదినం వాంఛానుకూలాం శివామ్ || ౭ ||
శ్రీమద్వేదపురీశదాసవినుతాం హ్రీంకారసంధాలయామ్ |
వందేఽహం కమలాంబికామనుదినం వాంఛానుకూలాం శివామ్ || ౮ ||
పుత్రశ్రీప్రదమష్టసిద్ధిఫలదం చింతావినాశాస్పదమ్ |
యోగీంద్రైరపి దుర్లభం పునరయం చింతావినాశం పరమ్ || ౯ ||
ఇతి శ్రీ కమలాంబికా స్తోత్రమ్ |