శ్రీ ఆదినారాయణ స్తవః

ఋషయ ఊచుః |
నమః పరమకళ్యాణ కళ్యాణాయాత్మయోగినే |
జనార్దనాయదేవాయ శ్రీధరాయ సువేధసే || ౧ ||
నమః పరమకింజల్క సువర్ణముకుటాయ చ |
కేశవాయాతిసూక్ష్మాయ బృహన్మూర్తే నమో నమః || ౨ ||
నమః పంకజనాభాయ హరయే హరివేధసే |
నమో హిరణ్యగర్భాయ జగతః కారణాత్మనే || ౩ ||
అచ్యుతాయ నమో నిత్యమున్నతాయ నమో నమః |
నమో మాయాపటచ్ఛన్న జగద్ధాత్రే మహాత్మనే || ౪ ||
సంసారసాగరోత్తార జ్ఞానపోతప్రదాయినే |
అకుంఠమతయేధాత్రే సర్గస్థిత్యంతకారిణే || ౫ ||
యథా హి వాసుదేవేతి ప్రోక్తం పాతకనాశనమ్ |
తథా విలయమభ్యేతు దైత్యోయం మేఘవాహనః || ౬ ||
యథా న విష్ణుభక్తేషు పాపం నాప్నోతి సంస్థితమ్ |
తథా వినాశమాయాతు దైత్యోయం పాపకర్మకృత్ || ౭ ||
స్మృతమాత్రో యథా విష్ణుః సర్వం పాపం వ్యపోహతి |
తథా ప్రణాశమభ్యేతు దైత్యోయం మేఘవాహనః || ౮ ||
ప్రయాంతు నాశం జగతోఽఖిలస్య |
స్మృతే జగద్ధాతరివాసుదేవే || ౯ ||
యస్తం పూజయతే భక్త్యా ఏకాదశ్యాన్నరోత్తమః |
సోఽశ్వమేధఫలం ప్రాప్య మోదతే దివి దేవవత్ || ౧౦ ||
గోలక్షం బ్రాహ్మణే దత్త్వా యత్ఫలం ప్రాప్నుయాన్నరః |
తదాదిదేవం గోవిందం దృష్ట్వా భక్త్యా ఫలం లభేత్ || ౧౧ ||
కలౌ కృతయుగస్తేషాం క్లేశాస్తేషాం సుఖాధికాః |
ఆదినారాయణో దేవో యేషాం హృదయసంస్థితః || ౧౨ ||
ఏకాదశ్యాం రవిదినే స్నాత్వా సన్నిహితో జలే |
ఆదినారాయణం పూజ్య ముచ్యతే భవబంధనాత్ || ౧౩ ||
ఇతి స్కందపురాణే శ్రీ ఆదినారాయణ స్తవః ||