నవరత్నమాలికా

కారణేశవరమౌలికోటిపరికల్ప్యమానపదపీఠికామ్ |
ఫాలభూతిలకలోచనాం మనసి భావయామి పరదేవతామ్ || ౧ ||
సాంధ్యరాగమధురాధరాభరణసుందరాననశుచిస్మితామ్ |
ఇందిరారమణసోదరీం మనసి భావయామి పరదేవతామ్ || ౨ ||
హారదామపరిశోభమానకుచభారభీరుతనుమధ్యమామ్ |
మారవైరిసహచారిణీం మనసి భావయామి పరదేవతామ్ || ౩ ||
వారిరాశిమణిమేఖలావలయవహ్నిమండలశరీరిణీమ్ |
చారుచంద్రవిలోచనాం మనసి భావయామి పరదేవతామ్ || ౪ ||
త్పుండరీకముఖభేదినీం చ ప్రచండభానుభాసముజ్జ్వలామ్ |
మండలాంతమణిదీపికాం మనసి భావయామి పరదేవతామ్ || ౫ ||
చారణాదిసురసుందరీచికురశేకరీకృతపదాంబుజామ్ |
వారణాంతముఖపారణాం మనసి భావయామి పరదేవతామ్ || ౬ ||
పద్మరాగమణిమేఖలావలయనీవిశోభితనితంబినీమ్ |
పద్మినీం ప్రణవరూపిణీం మనసి భావయామి పరదేవతామ్ || ౭ ||
ఆగమావయవశోభినీమఖిలవేదసారకృతశేఖరీమ్ |
మాతృకాం త్రిపురసుందరీం మనసి భావయామి పరదేవతామ్ || ౮ ||
చూలికాశిఖరమాలికావలయమల్లికాసురభిసౌరభామ్ |
కాలికామఖిలనాయికాం మనసి భావయామి పరదేవతామ్ || ౯ ||
నిత్యమేవ నియమేన జల్పతాం – భుక్తిముక్తిఫలదామభీష్టదామ్ |
శంకరేణ రచితాం సదా జపేన్నామరత్ననవరత్నమాలికామ్ || ౧౦ ||