దేవీ అశ్వధాటి స్తోత్రం

కోటీర చారుతర కోటీ మణీకిరణ కోటీ కరంబిత పదా |
ఘోటీఖురాదధికధాటీముదార ముఖ వీటీరసేన తనుతామ్ || ౧ ||
పాపాపహ స్వమను జాపానులీన జన తాపాపనోద నిపుణా |
రూపాధికా శిఖరి భూపాల వంశమణి దీపాయితా భగవతీ || ౨ ||
వ్యాళీ నకుల్యసిత చూళీ భరా చరణ ధూళీ లసన్ముణిగణా |
సాఽఽళీ కరోతు మమ కాళీ మనః స్వపద నాళీక సేవన విధౌ || ౩ ||
కోలాహల క్షపిత కాలాఽమరాఽకుశల కీలాల శోషణ రవిః |
శూలాయుధ ప్రణత శీలా దధాతు హృది శైలాధిరాజతనయా || ౪ ||
బింబాధరా వినత శంబాయుధాది నికురుంబా కదంబ విపినే |
శం బాహులేయ శశి బింబాభిరామ ముఖ సంబాధిత స్తనభరా || ౫ ||
-వాసా విపంచికృత రాసా విధూత మధుమాసాఽరవింద మధురా |
నాసామణి ప్రవర భాసా శివా తిమిరమాసాదయేదుపరతిమ్ || ౬ ||
త్వం కామనామయసి కిం కారణం హృదయ పంకారిమేహి గిరిజామ్ |
ఝంకారి భృంగతతిమంకానుపేత శశిసంకాశ వక్త్రకమలామ్ || ౭ ||
రంభా కరీంద్ర కర దంభాఽపహోరుగతి డింభాఽనురంజిత పదా |
శం భాసురాఽఽభరణ గుంఫా సదా దిశతు శుంభాసుర ప్రహరణా || ౮ ||
భిక్షాశినో నటన వీక్షా వినోదముఖి దక్షాధ్వర ప్రహరణా |
యక్షేశ సేవిత నిరాక్షేప శక్తి జయలక్ష్మ్యాఽవధాన కలనా || ౯ ||
బృందారబృంద మణిబృందాఽరవింద మకరందాభిషిక్త చరణా |
మందాకినీ జవన భిందాన వాచమరవిందాసనా దిశతు మే || ౧౦ ||
సుత్రామ కాల ముఖ సత్రాసక ప్రకర సుత్రాణకారి చరణా |
కుత్రాసహీన మణిచిత్రాకృతి స్ఫురిత పుత్రాది దాన నిపుణా || ౧౧ ||
కోలాహలక్షపిత కాలామరీ కుశల కీలాల పోషణ నభా |
శూలాయుధ ప్రణతిశీలా విభాతు హృది శైలాధిరాజతనయా || ౧౨ ||
సంధావతీ భువన సంధారణేప్యమృత సింధావుదారనిలయా |
శం ధామ భానుమపి రుంధానమాశు పదసంధానమప్యనుగతా || ౧౩ ||
ఇతి మహాకవి కాళిదాస కృత దేవీ అశ్వధాటి స్తోత్రమ్ |