అష్టభైరవ ధ్యాన స్తోత్రం

అసితాంగోరురుశ్చండః క్రోధశ్చోన్మత్తభైరవః |
కపాలీ భీషణశ్చైవ సంహారశ్చాష్టభైరవమ్ ||
అస్తే శూలకపాలపాశడమరుం లోకస్య రక్షాకరమ్ |
వందే భూతపిశాచనాథ వటుకం క్షేత్రస్య పాలం శివమ్ || ౧ ||
హుంకారం వజ్రదంష్ట్రం హుతవహనయనం రౌద్రమున్మత్తభావమ్ |
వందే ఖడ్గం కపాలం డమరుకసహితం క్షేత్రపాలం నమామి || ౨ ||
దానంఛత్రేందుహస్తం రజతహిమమృతం శంఖభేషస్యచాపమ్ |
సర్వాభీతిం చ దోర్భీం భుజతగిరియుతం భైరవం సర్వసిద్ధిమ్ || ౩ ||
భస్మాద్యం వరదం కపాలమభయం శూలం దధానం కరే |
బంధూకారుణవాస అస్తమభయం దేవం సదా భావయేత్ || ౪ ||
కపాలం ఖడ్గహస్తం డమరుకసహితం వామహస్తే పినాకమ్ |
కాలం కాలాంతకారం మమ భయహరం క్షేత్రపాలం నమామి || ౫ ||
దివ్యాకల్పైఫణిమణిమయైకింకిణీనూపురం చ |
హస్తాద్యాం వా దధానాం త్రిశివమనిభయం వక్రదండౌ కపాలమ్ || ౬ ||
త్రినేత్రం రక్తవర్ణం చ సర్వాభరణభూషితమ్ |
కపాలం శూలహస్తం చ వరదాభయపాణినమ్ |
సవ్యే శూలధరం భీమం ఖట్వాంగం వామకేశవమ్ |
రక్తవస్త్రపరిధానం రక్తమాల్యానులేపనమ్ |
నీలగ్రీవం చ సౌమ్యం చ సర్వాభరణభూషితమ్ |
నీలమేఖసమాఖ్యాతం కూర్చకేశం త్రినేత్రకమ్ |
నాగభూషం చ రౌద్రం చ శిరోమాలావిభూషితమ్ |
నూపురస్వనపాదం చ సర్పయజ్ఞోపవీతినమ్ |
కింకిణీమాలికాభూష్యం భీమరూపం భయావహమ్ || ౭ ||
ఏకవక్త్రం త్రినేత్రం చ హస్తయో ద్వాదశం తథా |
డమరుం చాంకుశం బాణం ఖడ్గం శూలం భయాన్వితమ్ |
ధనుర్బాణ కపాలం చ గదాగ్నిం వరదం తథా |
వామసవ్యే తు పార్శ్వేన ఆయుధానాం విధం తథా |
నీలమేఖస్వరూపం తు నీలవస్త్రోత్తరీయకమ్ |
కస్తూర్యాదినిలేపం చ శ్వేతగంధాక్షతం తథా |
శ్వేతార్కపుష్పమాలాం చ త్రికోట్యంగణసేవితామ్ |
సర్వాలంకారసంయుక్తాం సంహారం చ ప్రకీర్తితమ్ || ౮ ||
ఇతి శ్రీ అష్టభైరవ ధ్యాన స్తోత్రమ్ |