అనఘాష్టమి వ్రతకల్పం

పూర్వాంగం చూ. ||
శ్రీ మహాగణపతి పూజ (పసుపు గణపతి పూజ) చూ. ||
పూర్వోక్త ఏవం గుణ విశేషణ విశిష్టాయాం శుభతిథౌ మమ సంకల్పిత మనోవాంఛాఫల సిద్ధ్యర్థం ఇష్టకామ్యార్థసిద్ధ్యర్థం సమస్తసన్మంగళావాప్త్యర్థం పురుషసూక్త విధానేన శ్రీఅనఘాదేవి సమేత శ్రీఅనఘాస్వామి షోడశోపచార పూజాం కరిష్యే ||
అణిమా మహిమా ప్రాప్తిః ప్రాకామ్యం మహిమా తథా |
ఈశిత్వం చ వశిత్వం చ యచ్చ కామావసాయతా ||
అణోరణీయసః పుత్రః ఈశాన్యాశా వ్యవస్థితః |
అనఘస్యాణిమాభిఖ్యః పుత్రశ్చిత్రః సనోఽవతు ||
అస్మిన్ అష్టదళపద్మే ఈశాన్యదళే కలశే అణిమాఖ్య దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
అనఘానఘయోః పుత్రో లఘిమాఖ్య కృపాలఘుః |
దేవస్యాగ్నేయ కోణస్థో లఘుబుద్ధిః సనోవతు ||
అస్మిన్ అష్టదళపద్మే ఆగ్నేయ దళే కలశే లఘిమాఖ్య దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
భక్తాభీష్టఫలప్రాప్తికారకోఽనఘయోః సుతః |
దేవస్య నైరృతే కోణే స్థితః ప్రాప్తిః సనోవతు ||
అస్మిన్ అష్టదళపద్మే నైఋతి దళే కలశే ప్రాప్తి దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
అవధూత గురోః స్వేచ్ఛాసంచారస్యాఽనఘస్య యః |
వాయుకోణ స్థితః పుత్రః ప్రాకామ్యాఖ్యః సనోవతు ||
అస్మిన్ అష్టదళపద్మే వాయువ్య దళే కలశే ప్రాకామ్య దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
సర్వాతిశాయితాం దేవస్యాఽనఘస్య జగద్గురోః |
ఖ్యాపయన్ దక్షభాగస్థ ఈశిత్వాఖ్యః సనోవతు ||
అస్మిన్ అష్టదళపద్మే దక్షిణ దళే కలశే ఈశిత్వ దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
జగద్యస్య వశే తిష్ఠత్యనఘస్య మహాత్మనః |
ఆత్మజో వామభాగస్థో వశిత్వాఖ్యః సనోవతు ||
అస్మిన్ అష్టదళపద్మే వామభాగస్థ దళే కలశే వశిత్వ దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
కామావసాయితాభిఖ్యో హ్యనఘస్యాంగా రక్షవత్ |
పశ్చాద్భాగస్థితః పుత్రః కమనీయః సనోవతు ||
అస్మిన్ అష్టదళపద్మే పశ్చాద్భాగస్థ దళే కలశే కామావసాయితాఖ్యా దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
పురస్తాదనఘద్వంద్వ పాదసీమ్ని వ్యవస్థితః |
మహిమాఖ్యో మహాకార్యకారీ పుత్రః సనోవతు ||
అస్మిన్ అష్టదళపద్మే పురస్తాద్దళే కలశే మహిమాఖ్య దేవతాం ఆవాహయామి స్థాపయామి పూజయామి |
సకలపూజార్థే పుష్పాక్షతాన్ సమర్పయామి |
కర్ణికాయాం పంకజస్య కలితాయాం మహాగుణైః |
దత్తాత్రేయో గురుర్విష్ణుబ్రహ్మేశాత్మా సనోవతు ||
అస్మిన్ అష్టదళపద్మే మధ్యే కర్ణికాయాం ప్రధానకలశే శ్రీమదనఘస్వామినం ఆవాహయామి స్థాపయామి పూజయామి |
సర్వైర్బాహ్మ్యై గుణైర్యుక్తా యోగాధీశా జగత్ప్రసూః |
అనఘాంబ మహాలక్ష్మీర్మహాభాగాః సనోవతు ||
అస్మిన్ అష్టదళపద్మే మధ్యే కర్ణికాయాం శ్రీమదనఘస్వామినః పార్శ్వే కలశే శ్రీమతీం అనఘాదేవీం ఆవాహయామి స్థాపయామి పూజయామి |
ఈశాన్యామణిమాభిఖ్యే చాగ్నేయ్యాం లఘిమాభిదే |
ప్రాప్తి నామాని నైఋత్యాం ప్రాకామ్యాఖ్యేఽనిలస్థలే ||
ఈశిత్వాఖ్యే వశిత్వాఖ్యే చోభయోః పార్శ్వయోరపి |
కామావసాయితా నామ్ని పశ్చాద్భాగేంగ రక్షవత్ ||
మహిమ్నీ పాదమూలే చ దళేష్వష్టసు నిత్యశః |
భ్రాజమానేషు తన్మధ్యే కర్ణికాయాం కృతాలయౌ ||
అనఘశ్చాఽనఘాదేవీ ప్రాణ చేష్టా విరాజితౌ |
చరతాం మమ హృత్పద్మే గురుమార్గ ప్రవర్తకౌ ||
స్వామిన్ సర్వజగన్నాథ యావత్పూజావసానకమ్ |
తావత్త్వం ప్రీతిభావేన కుంభేఽస్మిన్ సన్నిధిం కురు ||
ధ్యానం –
పద్మం దధానామభయం చ పాణ్యోః |
దత్తం ప్రపద్యేఽనఘ నామధేయమ్ || ౧ ||
పద్మం దధానామభయం చ పాణ్యోః |
దత్తానురక్తామనఘాం ప్రపద్యే || ౨ ||
శ్రీఅనఘాదేవి సమేత శ్రీఅనఘస్వామినే నమః ధ్యాయామి |
స॒హస్ర॑శీర్షా॒ పురు॑షః |
స॒హ॒స్రా॒క్షః స॒హస్ర॑పాత్ |
స భూమి॑o వి॒శ్వతో॑ వృ॒త్వా |
అత్య॑తిష్ఠద్దశాఙ్గు॒లమ్ |
గుణాతీతావపి స్వేషు కృపయా త్రిగుణాన్వితౌ |
అనఘామనఘం దేవం దేవీం చాఽఽవాహయామ్యహమ్ ||
శ్రీఅనఘాదేవి సమేత శ్రీఅనఘస్వామినే నమః ఆవాహయామి |
పురు॑ష ఏ॒వేదగ్ం సర్వమ్” |
యద్భూ॒తం యచ్చ॒ భవ్యమ్” |
ఉ॒తామృ॑త॒త్వస్యేశా॑నః |
య॒దన్నే॑నాతి॒రోహ॑తి |
సౌవర్ణపీఠం కృష్ణత్వక్ చిత్రాసన కుశాసనైః |
ఆస్త్రుతం గృహ్యతాం దేవావనఘావర్పితం మయా ||
శ్రీఅనఘాదేవి సమేత శ్రీఅనఘస్వామినే నమః ఆసనం సమర్పయామి |
ఏ॒తావా॑నస్య మహి॒మా |
అతో॒ జ్యాయాగ్॑శ్చ॒ పూరు॑షః |
పాదో”ఽస్య॒ విశ్వా॑ భూ॒తాని॑ |
త్రి॒పాద॑స్యా॒మృత॑o ది॒వి |
యోగిశీర్షేఽమృతాసారౌ జంభశీర్షేఽగ్నివర్షకౌ |
పాదౌ పాద్యేన హృద్యేన క్షాళయేఽనఘయోరహమ్ ||
శ్రీఅనఘాదేవి సమేత శ్రీఅనఘస్వామినే నమః పాదయోః పాద్యం సమర్పయామి |
త్రి॒పాదూ॒ర్ధ్వ ఉదై॒త్పురు॑షః |
పాదో”ఽస్యే॒హాఽఽభ॑వా॒త్పున॑: |
తతో॒ విష్వ॒ఙ్వ్య॑క్రామత్ |
సా॒శ॒నా॒న॒శ॒నే అ॒భి |
పద్మేన మాలయా చాత్తౌ భక్తాభీతిప్రదాయకౌ |
అర్ఘ్యేణ శీతలీకుర్యామనఘాఽనఘయౌః కరౌ ||
శ్రీఅనఘాదేవి సమేత శ్రీఅనఘస్వామినే నమః హస్తయోః అర్ఘ్యం సమర్పయామి |
తస్మా”ద్వి॒రాడ॑జాయత |
వి॒రాజో॒ అధి॒ పూరు॑షః |
స జా॒తో అత్య॑రిచ్యత |
ప॒శ్చాద్భూమి॒మథో॑ పు॒రః |
జ్ఞానజ్యోతిర్వినీతానాం వేదజ్యోతిశ్చ వేధసః |
యతోఽనఘముఖాద్వ్యక్తం తత్రాఽఽచమనమర్పితమ్ ||
శ్రీఅనఘాదేవి సమేత శ్రీఅనఘస్వామినే నమః ముఖే ఆచమనీయం సమర్పయామి |
అనఘౌ యౌ శ్రిత పరీక్షార్థం మాయా మధుస్పృశౌ |
మధుపర్కం దదే తాభ్యాం తత్పాదాబ్జ మధువ్రతః ||
శ్రీఅనఘాదేవి సమేత శ్రీఅనఘస్వామినే నమః మధుపర్కం సమర్పయామి |
యౌ కృపాప్రేరితౌ భక్తప్రపంచేఽమృత వర్షకౌ |
పంచామృతైస్తౌ స్నపయామ్యనఘావమృతాఽత్మకౌ ||
శ్రీఅనఘాదేవి సమేత శ్రీఅనఘస్వామినే నమః పంచామృత స్నానం సమర్పయామి |
యత్పురు॑షేణ హ॒విషా” |
దే॒వా య॒జ్ఞమత॑న్వత |
వ॒స॒న్తో అ॑స్యాసీ॒దాజ్యమ్” |
గ్రీ॒ష్మ ఇ॒ధ్మశ్శ॒రద్ధ॒విః |
మాతృతీర్థాత్ పద్మతీర్థాత్ సర్వతీర్థాదనేకతః |
సమానీతైః శీతలోదైః స్నపయామ్యనఘావుభౌ ||
శ్రీఅనఘాదేవి సమేత శ్రీఅనఘస్వామినే నమః శుద్ధోదకస్నానం సమర్పయామి |
స॒ప్తాస్యా॑సన్పరి॒ధయ॑: |
త్రిః స॒ప్త స॒మిధ॑: కృ॒తాః |
దే॒వా యద్య॒జ్ఞం త॑న్వా॒నాః |
అబ॑ధ్న॒న్పురు॑షం ప॒శుమ్ |
వల్కలే రుచిరే సూక్ష్మే చిత్ర చిత్ర దశాంచితే |
మాయాఽఽవృతిచ్ఛేదకాభ్యాం అనఘాభ్యాం దదే ముదా ||
శ్రీఅనఘాదేవి సమేత శ్రీఅనఘస్వామినే నమః వస్త్రం సమర్పయామి |
తం య॒జ్ఞం బ॒ర్హిషి॒ ప్రౌక్షన్॑ |
పురు॑షం జా॒తమ॑గ్ర॒తః |
తేన॑ దే॒వా అయ॑జన్త |
సా॒ధ్యా ఋష॑యశ్చ॒ యే |
ఉపవీతం పవిత్రం చ సహజం యత్ప్రజాపతేః |
సమర్పితం మయా శుభ్రమనఘౌ ప్రతిముంచతమ్ ||
శ్రీఅనఘాదేవి సమేత శ్రీఅనఘస్వామినే నమః ఉపవీతం సమర్పయామి |
తస్మా”ద్య॒జ్ఞాత్స॑ర్వ॒హుత॑: |
సంభృ॑తం పృషదా॒జ్యమ్ |
ప॒శూగ్‍స్తాగ్‍శ్చ॑క్రే వాయ॒వ్యాన్॑ |
ఆ॒ర॒ణ్యాన్గ్రా॒మ్యాశ్చ॒ యే |
మిలత్ కర్పూర సద్గంధైరనులిప్యాఽనఘాఽనఘౌ |
ముఖయోరలికే కుర్యాం లసత్ ఫాలాక్షి సన్నిభే ||
శ్రీఅనఘాదేవి సమేత శ్రీఅనఘస్వామినే నమః గంధాన్ ధారయామి |
గంధస్యోపరి అలంకరణార్థం కుంకుమం అక్షతాంశ్చ సమర్పయామి |
తస్మా”ద్య॒జ్ఞాత్స॑ర్వ॒హుత॑: |
ఋచ॒: సామా॑ని జజ్ఞిరే |
ఛన్దాగ్॑oసి జజ్ఞిరే॒ తస్మా”త్ |
యజు॒స్తస్మా॑దజాయత |
శీర్షే కంఠే బాహుయుగ్మే మణిబంధద్వయే తథా |
వివిధా అక్షమాలాస్తే భూషార్థం కల్పయేఽనఘ ||
పాదాంగుళీయ కటక కాంచీ మాంగళ్య హారకాన్ |
కంకణం నాసికా భూషాం తాటంకే తే దదేఽనఘే ||
శ్రీఅనఘాదేవి సమేత శ్రీఅనఘస్వామినే నమః ఆభరణాని సమర్పయామి |
హరస్యార్ధశరీరాంగే హంసరూపీ యతీశ్వరీ |
హస్తముద్రాం కుశాధారే హరిద్రాన్ మాతృకార్చయేత్ ||
శ్రీఅనఘాదేవి సమేత శ్రీఅనఘస్వామినే నమః హరిద్రాచూర్ణం సమర్పయామి |
దేవి త్వామనఘే భద్రే సర్వమంగళమంగళే |
లసత్ కుంకుమచూర్ణేన పూజయామి ప్రసీద మే ||
శ్రీఅనఘాదేవి సమేత శ్రీఅనఘస్వామినే నమః కుంకుమం సమర్పయామి |
తస్మా॒దశ్వా॑ అజాయన్త |
యే కే చో॑భ॒యాద॑తః |
గావో॑ హ జజ్ఞిరే॒ తస్మా”త్ |
తస్మా”జ్జా॒తా అ॑జా॒వయ॑: |
తత్తత్ కాలోత్థ పుష్పౌఘ మాలాభిరనఘాఽనఘౌ |
ఆపాదశీర్షం సంభూష్య పునః పుష్పైః సమర్చయే ||
శ్రీఅనఘాదేవి సమేత శ్రీఅనఘస్వామినే నమః పుష్పాణి సమర్పయామి |
శ్రీ అనఘదేవాయ నమః – పాదౌ పూజయామి |
శ్రీ త్రిజగత్ సంచారాయ నమః – జంఘే పూజయామి |
శ్రీ ఆజానుబాహవే నమః – జానునీ పూజయామి |
శ్రీ పద్మాసనస్థాయ నమః – ఊరూ పూజయామి |
శ్రీ త్రిగుణేశాయ నమః – వళిత్రయం పూజయామి |
శ్రీ శాతోదరాయ నమః – ఉదరం పూజయామి |
శ్రీ కరుణాకరాయ నమః – హృదయం పూజయామి |
శ్రీ భక్తాలంబనాయ నమః – బాహూ పూజయామి |
శ్రీ సంగీతరసికాయ నమః – కంఠం పూజయామి |
శ్రీ జగన్మోహనాయ నమః – మందస్మితం పూజయామి |
శ్రీ జగత్ప్రాణాయ నమః – నాసికాం పూజయామి |
శ్రీ శ్రుతిసంవేద్యాయ నమః – శ్రోత్రే పూజయామి |
శ్రీ ధ్యానగోచరాయ నమః – నేత్రద్వయం పూజయామి |
శ్రీ తిలకాంచితఫాలాయ నమః – ఫాలం పూజయామి |
శ్రీ సహస్రశీర్షాయ నమః – శిరః పూజయామి |
శ్రీ సచ్చిదానందాయ నమః – సర్వాణ్యంగాని పూజయామి |
శ్రీ అనఘాదేవ్యై నమః – పాదౌ పూజయామి |
శ్రీ త్రిజగత్ సంచారాయై నమః – జంఘే పూజయామి |
శ్రీ ఆజానుబాహవే నమః – జానునీ పూజయామి |
శ్రీ పద్మాసనస్థాయై నమః – ఊరూ పూజయామి |
శ్రీ త్రిగుణేశాయై నమః – వళిత్రయం పూజయామి |
శ్రీ శాతోదరాయై నమః – ఉదరం పూజయామి |
శ్రీ కరుణాకరాయై నమః – హృదయం పూజయామి |
శ్రీ భక్తాలంబనాయై నమః – బాహూ పూజయామి |
శ్రీ సంగీతరసికాయై నమః – కంఠం పూజయామి |
శ్రీ జగన్మోహనాయై నమః – మందస్మితం పూజయామి |
శ్రీ జగత్ప్రాణాయై నమః – నాసికాం పూజయామి |
శ్రీ శ్రుతిసంవేద్యాయై నమః – శ్రోత్రే పూజయామి |
శ్రీ ధ్యానగోచరాయై నమః – నేత్రద్వయం పూజయామి |
శ్రీ తిలకాంచితఫాలాయై నమః – ఫాలం పూజయామి |
శ్రీ సహస్రశీర్షాయై నమః – శిరః పూజయామి |
శ్రీ సచ్చిదానందాయై నమః – సర్వాణ్యంగాని పూజయామి |
శ్రీ అనఘదేవ అష్టోత్తరశతనామావళి చూ. |
శ్రీ అనఘాదేవీ అష్టోత్తరశతనామావళి చూ. |
యత్పురు॑ష॒o వ్య॑దధుః |
క॒తి॒ధా వ్య॑కల్పయన్ |
ముఖ॒o కిమ॑స్య॒ కౌ బా॒హూ |
కావూ॒రూ పాదా॑వుచ్యేతే |
నానా పరిమళద్రవ్య సమ్మేళన మనోహరః |
ధూపః సమర్పితో దేవావనఘౌ ప్రతిగృహ్యతామ్ ||
శ్రీఅనఘాదేవి సమేత శ్రీఅనఘస్వామినే నమః ధూపమాఘ్రాపయామి |
బ్రా॒హ్మ॒ణో”ఽస్య॒ ముఖ॑మాసీత్ |
బా॒హూ రా॑జ॒న్య॑: కృ॒తః |
ఊ॒రూ తద॑స్య॒ యద్వైశ్య॑: |
ప॒ద్భ్యాగ్ం శూ॒ద్రో అ॑జాయత |
యద్భాసేదం జగద్భాతి న దృశ్యేతే తథాపి యౌ |
తావుభౌ తత్త్వసందీప్త్యై దీపైరుద్దీపయామ్యహమ్ ||
శ్రీఅనఘాదేవి సమేత శ్రీఅనఘస్వామినే నమః దీపం దర్శయామి |
ధూపదీపానంతరం శుద్ధాచమనీయం సమర్పయామి |
చ॒న్ద్రమా॒ మన॑సో జా॒తః |
చక్షో॒: సూర్యో॑ అజాయత |
ముఖా॒దిన్ద్ర॑శ్చా॒గ్నిశ్చ॑ |
ప్రా॒ణాద్వా॒యుర॑జాయత |
రాజాన్నం బహుభక్ష్యాత్తం నానోపస్కార పుష్కలమ్ |
నైవేద్యం శ్రుతిసంవేద్యౌ గృహ్యతామనఘౌ ముదా ||
శ్రీఅనఘాదేవి సమేత శ్రీఅనఘస్వామినే నమః నైవేద్యం సమర్పయామి |
ఓం భూర్భువ॒స్సువ॑: | తత్స॑వితు॒ర్వరే”ణ్య॒o భర్గో॑ దే॒వస్య॑ ధీ॒మహి |
ధియో॒ యో న॑: ప్రచో॒దయా”త్ ||
సత్యం త్వా ఋతేన పరిషించామి |
అమృతమస్తు | అ॒మృ॒తో॒ప॒స్తర॑ణమసి |
ఓం ప్రా॒ణాయ॒ స్వాహా” | ఓం అ॒పా॒నాయ॒ స్వాహా” | ఓం వ్యా॒నాయ॒ స్వాహా” |
ఓం ఉ॒దా॒నాయ॒ స్వాహా” | ఓం స॒మా॒నాయ॒ స్వాహా” |
మధ్యే మధ్యే పానీయం సమర్పయామి | అ॒మృ॒తా॒పి॒ధా॒నమ॑సి |
ఉత్తరాపోశనం సమర్పయామి | హస్తౌ ప్రక్షాళయామి | పాదౌ ప్రక్షాళయామి |
శుద్ధాచమనీయం సమర్పయామి ||
నాభ్యా॑ ఆసీద॒న్తరి॑క్షమ్ |
శీ॒ర్ష్ణో ద్యౌః సమ॑వర్తత |
ప॒ద్భ్యాం భూమి॒ర్దిశ॒: శ్రోత్రా”త్ |
తథా॑ లో॒కాగ్ం అ॑కల్పయన్ |
అనఘ స్వామి జనకప్రోద్ధృతాయుష్య తంత్రకే |
ప్రోక్తైః సులక్షణైర్యుక్తం తాంబూలం ప్రదదేఽనఘౌ ||
శ్రీఅనఘాదేవి సమేత శ్రీఅనఘస్వామినే నమః తాంబూలం సమర్పయామి |
వేదా॒హమే॒తం పురు॑షం మ॒హాన్తమ్” |
ఆ॒ది॒త్యవ॑ర్ణం॒ తమ॑స॒స్తు పా॒రే |
సర్వా॑ణి రూ॒పాణి॑ వి॒చిత్య॒ ధీర॑: |
నామా॑ని కృ॒త్వాఽభి॒వద॒న్॒ యదాస్తే” |
కర్పూర నీరాజన దీప మాల్యైః |
కిమ్మీరితాభాస్త్వనఘేఽనఘ ప్రభో ||
శ్రీఅనఘాదేవి సమేత శ్రీఅనఘస్వామినే నమః నీరాజనం సందర్శయామి |
నీరాజనానంతరం శుద్ధాచమనీయం సమర్పయామి |
ధా॒తా పు॒రస్తా॒ద్యము॑దాజ॒హార॑ |
శ॒క్రః ప్రవి॒ద్వాన్ప్ర॒దిశ॒శ్చత॑స్రః |
తమే॒వం వి॒ద్వాన॒మృత॑ ఇ॒హ భ॑వతి |
నాన్యః పన్థా॒ అయ॑నాయ విద్యతే |
ఓం దిగంబ॒రాయ॑ వి॒ద్మహే॑ అత్రిపు॒త్రాయ॑ ధీమహి తన్నో॑ దత్తః ప్రచో॒దయా”త్ ||
ఓం మ॒హా॒దే॒వ్యై చ॑ వి॒ద్మహే॑ విష్ణుప॒త్న్యై చ॑ ధీమహి తన్నో॑ లక్ష్మీః ప్రచో॒దయా”త్ ||
ఓం ఐం హ్రీం శ్రీం శివ రామ అనఘ దత్తాయ నమః |
-మున్మూల్యసత్వరమభాసయతాం హి వేదాన్ |
శ్రీమంత్రపుష్పనిచయైరనఘౌ నిషేవే ||
శ్రీఅనఘాదేవి సమేత శ్రీఅనఘస్వామినే నమః సువర్ణమంత్రపుష్పం సమర్పయామి |
యాని కాని చ పాపాని జన్మాంతరకృతాని చ |
తాని తాని ప్రణశ్యంతి ప్రదక్షిణ పదే పదే ||
పాపోఽహం పాపకర్మాఽహం పాపాత్మా పాపసంభవః |
త్రాహి మాం కృపయా దేవ శరణాగతవత్సల ||
అన్యథా శరణం నాస్తి త్వమేవ శరణం మమ |
తస్మాత్కారుణ్య భావేన రక్ష రక్ష జనార్దన ||
కార్తవీర్యాఽజ నహుజ భార్గవేంద్రాది రక్షకౌ |
అనఘౌ లోకపితరౌ తుష్యేతాం మే ప్రదక్షిణైః ||
శ్రీఅనఘాదేవి సమేత శ్రీఅనఘస్వామినే నమః ప్రదక్షిణ నమస్కారాన్ సమర్పయామి |
ఛత్రమాచ్ఛాదయామి | చామరైర్వీజయామి |
నృత్యం దర్శయామి | గీతం శ్రావయామి |
వాద్యం ఘోషయామి | ఆందోళికానారోహయామి |
అశ్వానారోహయామి | గజానారోహయామి |
సమస్త రాజోపచార దేవోపచార భక్త్యుపచార శక్త్యుపచార మంత్రోపచార పూజాః సమర్పయామి ||
-ర్ధృతం నూనం యాభ్యాం విమలమిహ దాంపత్య లసనమ్ |
-త్పరీవారం వందే సతతమనఘాఖ్యా కలితయోః ||
విష్ణోఽనఘ దత్తేశ్వరాఽనఘే లక్ష్మి మంగళే |
ఉభౌ హి సచ్చిదానందవిగ్రహౌ భక్తరక్షకౌ ||
యువాం మే తుష్యతాం అద్య పూజయా సుప్రసీద తామ్ |
జ్ఞాతాఽజ్ఞాతాపరాధాన్ మే క్షమ్యతాం కరుణాకరౌ |
ఆయురారోగ్యమైశ్వర్యం సత్కుటుంబప్రవర్ధనమ్ |
సౌమాంగళ్యం యశో విద్యాం జ్ఞానం చ దిశతాం ముదా ||
బ్రహ్మవిష్ణుమహేశాన రూపిన్ త్రిగుణనాయక |
త్రైవర్ణిక నమస్తుభ్యం తోరదేవాఽనఘాత్మక ||
బుద్ధ్యాత్మనా వా ప్రకృతేః స్వభావాత్ |
నారాయణాయేతి సమర్పయామి ||
అనయా మయా కృతేన ధ్యాన ఆవాహనాది షోడశోపచార పూజయా శ్రీఅనఘాదేవి సమేత శ్రీఅనఘస్వామి సుప్రీతో సుప్రసన్నో వరదో భవంతు ||
మమ ఇష్టకామ్యార్థ సిద్ధిరస్తు |
అకాలమృత్యుహరణం సర్వవ్యాధినివారణమ్ |
సమస్తపాపక్షయకరం శ్రీఅనఘాదేవి సమేత శ్రీఅనఘస్వామి పాదోదకం పావనం శుభమ్ ||
శ్రీఅనఘాదేవి సమేత శ్రీఅనఘస్వామి ప్రసాదం శిరసా గృహ్ణామి ||
తాని ధర్మాణి ప్రథమా న్యాసన్ |
యత్ర పూర్వే సాధ్యాస్సంతి దేవాః ||
శ్రీఅనఘాదేవి సమేత శ్రీఅనఘస్వామినే నమః యథాస్థానం ఉద్వాసయామి ||
ఓం శాంతిః శాంతిః శాంతిః ||